(॥పల్లవి॥)
అయినట్టయ్యీఁ గాక అంతయేఁటికే
పయిపైఁ గలపితివి పాఁచి యేఁటికే
(॥అయి॥)
వల్లెవాటుఁ బయ్యదతో వాడుఁగొప్పు విరులతో
చల్లె లమ్మె గొల్లెతవు జంకె నేఁటికే
చిల్లర చెమటతోడ చిక్కని వూర్పులతోడ
గొల్లలెక్క లాడేవు కోప మేఁటికే
(॥అయి॥)
పులకజొంపాలతోడ బొమ్మంచు మోవితోడ
కొలచినందె కొలచి కొంక నేఁటికే
కలకల నవ్వుతోడ కందువ సిగ్గులతోడ
వెలయఁగఁ జెప్పేవు వింత లేఁటికే
(॥అయి॥)
పుక్కిటి విడెముతోడ పూఁతల గందముతోడ
అక్కునఁ బోసి చూపే వాన లేఁటికే
యెక్కువల శ్రీ వెంకటేశుఁడనైన నన్ను
గక్కనఁ గూడితి వింక గద్దించ నేఁటికే
(||pallavi||)
ayinaṭṭayyīm̐ gāga aṁtayem̐ṭige
payibaim̐ galabidivi pām̐si yem̐ṭige
(||ayi||)
vallĕvāḍum̐ bayyadado vāḍum̐gŏppu virulado
sallĕ lammĕ gŏllĕdavu jaṁkĕ nem̐ṭige
sillara sĕmaḍadoḍa sikkani vūrbuladoḍa
gŏllalĕkka lāḍevu koba mem̐ṭige
(||ayi||)
pulagajŏṁpāladoḍa bŏmmaṁchu movidoḍa
kŏlasinaṁdĕ kŏlasi kŏṁka nem̐ṭige
kalagala navvudoḍa kaṁduva sigguladoḍa
vĕlayam̐gam̐ jĕppevu viṁta lem̐ṭige
(||ayi||)
pukkiḍi viḍĕmudoḍa pūm̐tala gaṁdamudoḍa
akkunam̐ bosi sūbe vāna lem̐ṭige
yĕkkuvala śhrī vĕṁkaḍeśhum̐ḍanaina nannu
gakkanam̐ gūḍidi viṁka gaddiṁcha nem̐ṭige