(॥పల్లవి॥)
అవ్వలిమాటలే హితవవుఁ గాక
రవ్వలై నీకింక నిందు రాఁదీరునా
(॥అవ్వ॥)
మందలించి మధురలో మగువల మాటలే
విందుగాక చెవులకు విందులుగాను
మందల మగువుల మా మాటలు చెవులకు గో-
విందుఁడా మాసుద్దులిఁక వినఁదీరునా
(॥అవ్వ॥)
వాసనగాఁ బువ్వులింటివారతోడి పొందులే
సేసి నీవు మమ్ము నీవు చెనకే వింక
దోసాలు గావుగద మాతోడి పొందులివి శ్రీని-
వాసుఁడా మాచేఁతలను వడదీరునా
(॥అవ్వ॥)
మాయలు మందులుసేసే మానినుల పొందులే
రేయుఁబగలును నీకు రేసులుగాక
పాయక కూడితి నన్ను బాపురే వేంకటగిరి-
రాయఁడా మాకౌఁగిటి రట్టుకోపుదా
(||pallavi||)
avvalimāḍale hidavavum̐ gāga
ravvalai nīgiṁka niṁdu rām̐dīrunā
(||avva||)
maṁdaliṁchi madhuralo maguvala māḍale
viṁdugāga sĕvulagu viṁdulugānu
maṁdala maguvula mā māḍalu sĕvulagu go-
viṁdum̐ḍā māsuddulim̐ka vinam̐dīrunā
(||avva||)
vāsanagām̐ buvvuliṁṭivāradoḍi pŏṁdule
sesi nīvu mammu nīvu sĕnage viṁka
dosālu gāvugada mādoḍi pŏṁdulivi śhrīni-
vāsum̐ḍā māsem̐talanu vaḍadīrunā
(||avva||)
māyalu maṁdulusese māninula pŏṁdule
reyum̐bagalunu nīgu resulugāga
pāyaga kūḍidi nannu bābure veṁkaḍagiri-
rāyam̐ḍā māgaum̐giḍi raṭṭugobudā