(॥పల్లవి॥)
అవి యెటువంటి రహస్యములో
సవరని సతులకు ఝల్లనె మేను
(॥అవి॥)
కల గని చెలితో కాంత నాయకుని-
చెలువము చెప్పుచు చిడిముడితో
పలుకఁగ నేరక భ్రమసిన మాటలు
తలఁచి చెలులు కడుఁ దత్తరపడిరి
(॥అవి॥)
రమణుఁడు కలలో రమణితో ననిన-
ప్రమదపు దైన్యపు పలుకులివి
చెమరించఁగ విని శిరసులు వంచుక
కొమెరలు దలఁచిరి కూరిమిపతుల
(॥అవి॥)
వేంకటరమణుఁడు వెలఁదియుఁ గలలో
బింకపుఁ గూటమిఁ బెనఁగుటలు
లంకెల పొందులు లలనలు విని విని
కొంకక కనుఁగొనఁ గురిసిరి నీరు
(||pallavi||)
avi yĕḍuvaṁṭi rahasyamulo
savarani sadulagu jhallanĕ menu
(||avi||)
kala gani sĕlido kāṁta nāyaguni-
sĕluvamu sĕppusu siḍimuḍido
palugam̐ga neraga bhramasina māḍalu
talam̐si sĕlulu kaḍum̐ dattarabaḍiri
(||avi||)
ramaṇum̐ḍu kalalo ramaṇido nanina-
pramadabu dainyabu palugulivi
sĕmariṁcham̐ga vini śhirasulu vaṁchuga
kŏmĕralu dalam̐siri kūrimibadula
(||avi||)
veṁkaḍaramaṇum̐ḍu vĕlam̐diyum̐ galalo
biṁkabum̐ gūḍamim̐ bĕnam̐guḍalu
laṁkĕla pŏṁdulu lalanalu vini vini
kŏṁkaga kanum̐gŏnam̐ gurisiri nīru