(॥పల్లవి॥)
అవధారు చిత్తగించు హనుమంతుఁడు వీఁడె
భువిలోన గలశాపుర హనుమంతుఁడు
(॥అవ॥)
రామ నీ సేవకుఁ డిదె రణరంగ ధీరుఁడు
ఆముకొన్న సత్వగల హనుమంతుఁడు
దీమసాన లంక సాధించి వుంగరము దెచ్చె
కామిత ఫలదుఁడు యీ ఘన హనుమంతుఁడు
(॥అవ॥)
జానకీరమణ సప్తజలధులు లంఘించి
ఆనుక సంజీవి దెచ్చె హనుమంతుఁడు
పూని చుక్కలెల్లా మొలపూసలుఁగాఁగఁబెరిగి
భాను కోటి కాంతితోఁ జొప్పడు హనుమంతుఁడు
(॥అవ॥)
యినవంశ శ్రీ వేంకటేశ నీ కరుణతోడ
అనుపమ జయశాలి హనుమంతుఁడు
పనిపూని ఇటమీఁది బ్రహ్మపట్టమునకు నీ -
యనుమతిఁ గాచుకున్నా డదె హనుమంతుఁడు
(||pallavi||)
avadhāru sittagiṁchu hanumaṁtum̐ḍu vīm̐ḍĕ
bhuvilona galaśhābura hanumaṁtum̐ḍu
(||ava||)
rāma nī sevagum̐ ḍidĕ raṇaraṁga dhīrum̐ḍu
āmugŏnna satvagala hanumaṁtum̐ḍu
dīmasāna laṁka sādhiṁchi vuṁgaramu dĕchchĕ
kāmida phaladum̐ḍu yī ghana hanumaṁtum̐ḍu
(||ava||)
jānagīramaṇa saptajaladhulu laṁghiṁchi
ānuga saṁjīvi dĕchchĕ hanumaṁtum̐ḍu
pūni sukkalĕllā mŏlabūsalum̐gām̐gam̐bĕrigi
bhānu koḍi kāṁtidom̐ jŏppaḍu hanumaṁtum̐ḍu
(||ava||)
yinavaṁśha śhrī veṁkaḍeśha nī karuṇadoḍa
anubama jayaśhāli hanumaṁtum̐ḍu
panibūni iḍamīm̐di brahmabaṭṭamunagu nī -
yanumadim̐ gāsugunnā ḍadĕ hanumaṁtum̐ḍu