(॥పల్లవి॥)
అవధారు సకలలోకైకనాథ
సువర్ణరూపమైన సుగ్రీవనారసింహా
(॥అవ॥)
అరుదుగ మీరు సింహాసనముపై నుండఁగ
యిరుగడ సేవించేరు ఇంద్రాదులు
పరగ నెట్టనెదుట ప్రహ్లాదుఁ డున్నవాఁడు
సొరిదినే చిత్తగించు సుగ్రీవ నారసింహా
(॥అవ॥)
చాపలపు హిరణ్యుని సమయించి వున్నమీకు
చేపట్టి మొక్కేరు వశిష్ఠాదులు
యే పొద్దు మీ తొడమీఁద నిందిర గాచుకున్నది
చూపులఁ గరుణ నించు సుగ్రీవ నారసింహా
(॥అవ॥)
లలితముగ నీవు జగములు రక్షించఁగా
వలనుగఁ బొగడేరు వ్యాసాదులు
యెలమి శ్రీవేంకటేశ ఇందునందు నెలకొని
సులభమూర్తివైతివి సుగ్రీవ నారసింహా
(||pallavi||)
avadhāru sagalalogaiganātha
suvarṇarūbamaina sugrīvanārasiṁhā
(||ava||)
aruduga mīru siṁhāsanamubai nuṁḍam̐ga
yirugaḍa seviṁcheru iṁdrādulu
paraga nĕṭṭanĕduḍa prahlādum̐ ḍunnavām̐ḍu
sŏridine sittagiṁchu sugrīva nārasiṁhā
(||ava||)
sābalabu hiraṇyuni samayiṁchi vunnamīgu
sebaṭṭi mŏkkeru vaśhiṣhṭhādulu
ye pŏddu mī tŏḍamīm̐da niṁdira gāsugunnadi
sūbulam̐ garuṇa niṁchu sugrīva nārasiṁhā
(||ava||)
lalidamuga nīvu jagamulu rakṣhiṁcham̐gā
valanugam̐ bŏgaḍeru vyāsādulu
yĕlami śhrīveṁkaḍeśha iṁdunaṁdu nĕlagŏni
sulabhamūrdivaidivi sugrīva nārasiṁhā