(॥పల్లవి॥)
అవధారు రఘుపతి యందరినిఁ జిత్తగించు
యివల నిండెఁ గొలువిదె నడె సముఖా
(॥అవ॥)
రామ రాఘవ రామభద్ర రామచంద్ర
శ్రీమదయోధ్యాపతి సీతాపతి
ప్రేమ నారదుఁడు వాఁడీఁ బెక్కు రంభాదు లాడేరు
మోమెత్తి కపులెల్లా మొక్కేరదివో
(॥అవ॥)
యినవంశకులజాత ఇక్ష్వాకుతిలకా
ఘనదశరథసుత కౌశికప్రియ
మునులు దీవించేరు ముందట భరతుఁ డదె
వెనక లక్ష్మణుఁడు సేవించీ వింజామర
(॥అవ॥)
కందువఁ గౌసల్యాగర్భరత్నాకర
చెందిన శ్రీవేంకటాద్రి శ్రీనివాసా
సందడిఁ గుశలవులు చదివేరు వొకవంక
చెంది నీ రాజసము చెప్పరాదు రామా
(||pallavi||)
avadhāru raghubadi yaṁdarinim̐ jittagiṁchu
yivala niṁḍĕm̐ gŏluvidĕ naḍĕ samukhā
(||ava||)
rāma rāghava rāmabhadra rāmasaṁdra
śhrīmadayodhyābadi sīdābadi
prema nāradum̐ḍu vām̐ḍīm̐ bĕkku raṁbhādu lāḍeru
momĕtti kabulĕllā mŏkkeradivo
(||ava||)
yinavaṁśhagulajāda ikṣhvāgudilagā
ghanadaśharathasuda kauśhigapriya
munulu dīviṁcheru muṁdaḍa bharadum̐ ḍadĕ
vĕnaga lakṣhmaṇum̐ḍu seviṁchī viṁjāmara
(||ava||)
kaṁduvam̐ gausalyāgarbharatnāgara
sĕṁdina śhrīveṁkaḍādri śhrīnivāsā
saṁdaḍim̐ guśhalavulu sadiveru vŏgavaṁka
sĕṁdi nī rājasamu sĕpparādu rāmā