(॥పల్లవి॥)
అవధారు దేవ హరికులరామ
వివిధమై నీబంటు వెలయుచున్నాఁడు
(॥అవ॥)
అదె కలశాపురము హనుమంత రాయఁడు
కదనములోన రక్కసులఁ గొట్టి
యెదుట నిందరిలోన నేకాంగవీరుఁడై
కొదలేక ప్రతాపించి కొలువై వున్నాఁడు
(॥అవ॥)
చల్లని వనాలనీడ సాగుడుఁ గొండలోన
వల్లెగా వేసుకొన్న వాలముతోడ
పల్లదాన వలకేలు పంతమున నెత్తుకొని
కొల్లున మంటపములోఁ గొలువై వున్నాఁడు
(॥అవ॥)
పెక్కు పండ్లగొలలు పిడికిటఁ బట్టుకొని
చక్కఁగాఁ బెరిగి పెద్దజంగ చాఁచి
యిక్కువ శ్రీవేంకటాద్రి నిరవైన సర్వేశ
గుక్కక నీపై భక్తిఁ గొలువై వున్నాఁడు
(||pallavi||)
avadhāru deva harigularāma
vividhamai nībaṁṭu vĕlayusunnām̐ḍu
(||ava||)
adĕ kalaśhāburamu hanumaṁta rāyam̐ḍu
kadanamulona rakkasulam̐ gŏṭṭi
yĕduḍa niṁdarilona negāṁgavīrum̐ḍai
kŏdalega pradābiṁchi kŏluvai vunnām̐ḍu
(||ava||)
sallani vanālanīḍa sāguḍum̐ gŏṁḍalona
vallĕgā vesugŏnna vālamudoḍa
palladāna valagelu paṁtamuna nĕttugŏni
kŏlluna maṁṭabamulom̐ gŏluvai vunnām̐ḍu
(||ava||)
pĕkku paṁḍlagŏlalu piḍigiḍam̐ baṭṭugŏni
sakkam̐gām̐ bĕrigi pĕddajaṁga sām̐si
yikkuva śhrīveṁkaḍādri niravaina sarveśha
gukkaga nībai bhaktim̐ gŏluvai vunnām̐ḍu