(॥పల్లవి॥)
ఔనో కాదో నీ వానతీవయ్య
పని వేరొకటి యిఁకఁ బోలదయ్యా
(॥ఔనో॥)
చంచలము నాచూపు చంచలము నీగుణము
యెంచె నీ వే మనేవొ యెరఁగమయ్య
ముంచి నా గుబ్బలు రాయి మొగి నీ గుండెరాయి
అంచల నాకడ నేమి యాడుకొనేవయ్యా
(॥ఔనో॥)
చిగురు నా యధరము చిగురు నీ చిత్త మదె
తగెఁ దగ దందు కేమి తలవయ్య
నగవు నా మోమెల్ల నగుఁబాటు నీచింత యీ
తగవు చెలులతోడ తరిఁ జెప్పవయ్యా
(॥ఔనో॥)
లేఁత నాకుఁ గొనగోరు లేఁత నీవయసు గడు
యీఁతలు మోఁతలు నిఁక నేలయ్యా
ఘాతల శ్రీవెంకటేశ కదిసి కూడితి నన్ను
యీతల నిద్దరిభావాలేక మాయనయ్యా
(||pallavi||)
auno kādo nī vānadīvayya
pani verŏgaḍi yim̐kam̐ boladayyā
(||auno||)
saṁchalamu nāsūbu saṁchalamu nīguṇamu
yĕṁchĕ nī ve manevŏ yĕram̐gamayya
muṁchi nā gubbalu rāyi mŏgi nī guṁḍĕrāyi
aṁchala nāgaḍa nemi yāḍugŏnevayyā
(||auno||)
siguru nā yadharamu siguru nī sitta madĕ
tagĕm̐ daga daṁdu kemi talavayya
nagavu nā momĕlla nagum̐bāḍu nīsiṁta yī
tagavu sĕluladoḍa tarim̐ jĕppavayyā
(||auno||)
lem̐ta nāgum̐ gŏnagoru lem̐ta nīvayasu gaḍu
yīm̐talu mom̐talu nim̐ka nelayyā
ghādala śhrīvĕṁkaḍeśha kadisi kūḍidi nannu
yīdala niddaribhāvālega māyanayyā