(॥పల్లవి॥)
ఔనే జాణకత్తెవు అన్నిటా నీవు
యేనిగె గుజ్జౌఁ గదే యెక్కినవారికిని
(॥ఔనే॥)
ఇంతవాసి గలదానవేల నవ్వితివే ముందు
చెంతఁ బెట్టనికోటవై చెలఁగవద్దా
వంతులకు నీవెంత వలపించుకొనినాను
పంతపు విభుఁడు కిందుపడునా నీకు
(॥ఔనే॥)
యెగ్గుపట్టేటి దానవు యేల రమ్మంటివే ముందు
వొగ్గి వీడనిగంటవై యుండఁగరాదా
అగ్గలమై నీవెంత అట్టె బాసగొనినాను
సిగ్గులాతఁడు ప్రియము చెప్పునా నీకు
(॥ఔనే॥)
యెలయించేటిదానవు యేల మొక్కితివే ముందు
అల కదలనికంబమై యుండరాదా
బలిమి శ్రీ వెంకటేశుఁగలసి యెంతవుండిన
బలువుఁడీతఁడు తడఁబడునా నీకు
(||pallavi||)
aune jāṇagattĕvu anniḍā nīvu
yenigĕ gujjaum̐ gade yĕkkinavārigini
(||aune||)
iṁtavāsi galadānavela navvidive muṁdu
sĕṁtam̐ bĕṭṭanigoḍavai sĕlam̐gavaddā
vaṁtulagu nīvĕṁta valabiṁchugŏninānu
paṁtabu vibhum̐ḍu kiṁdubaḍunā nīgu
(||aune||)
yĕggubaṭṭeḍi dānavu yela rammaṁṭive muṁdu
vŏggi vīḍanigaṁṭavai yuṁḍam̐garādā
aggalamai nīvĕṁta aṭṭĕ bāsagŏninānu
siggulādam̐ḍu priyamu sĕppunā nīgu
(||aune||)
yĕlayiṁcheḍidānavu yela mŏkkidive muṁdu
ala kadalanigaṁbamai yuṁḍarādā
balimi śhrī vĕṁkaḍeśhum̐galasi yĕṁtavuṁḍina
baluvum̐ḍīdam̐ḍu taḍam̐baḍunā nīgu