ఔనే ఇది జాణతన మందుకు నే మెచ్చితిని
(॥పల్లవి॥)
ఔనే ఇది జాణతన మందుకు నే మెచ్చితిని
నా నోరఁ బలికేనంటే నవ్వు వచ్చీఁ గాని
(॥ఔనే॥)
కానుకగా తనకు నేఁగప్పురమంపితినని
ఆనవాలు చెప్పిపంపీనందుకేమే
పూని తా వలచినట్టి పొలఁతిఁ దోడితెమ్మంటే
దీనికి నేనియ్యకొని తేరాదు గాని
(॥ఔనే॥)
అడరి సొమ్ములిద్దరమట్టే మార్చుకొంటిమని
అడియాలమిచ్చి పంపీనందుకేమే
తడవి యేమైనాను తనకును నాపెకును
యెడనెడఁ బండుండఁ జోటియ్యరాదు గాని
(॥ఔనే॥)
రంగుగ నేఁ గూడినట్టి రహస్యపు వేళదని
అంగపుగురుతు చూపీనందుకేమే
యింగితాన శ్రీ వేంకటేశుఁడాకె తన పొందు
కంగవించి సాకిరై తనకనరాదు గాని
(||pallavi||)
aune idi jāṇadana maṁdugu ne mĕchchidini
nā noram̐ baligenaṁṭe navvu vachchīm̐ gāni
(||aune||)
kānugagā tanagu nem̐gappuramaṁpidinani
ānavālu sĕppibaṁpīnaṁdugeme
pūni tā valasinaṭṭi pŏlam̐tim̐ doḍidĕmmaṁṭe
dīnigi neniyyagŏni terādu gāni
(||aune||)
aḍari sŏmmuliddaramaṭṭe mārsugŏṁṭimani
aḍiyālamichchi paṁpīnaṁdugeme
taḍavi yemainānu tanagunu nābĕgunu
yĕḍanĕḍam̐ baṁḍuṁḍam̐ joḍiyyarādu gāni
(||aune||)
raṁguga nem̐ gūḍinaṭṭi rahasyabu veḽadani
aṁgabugurudu sūbīnaṁdugeme
yiṁgidāna śhrī veṁkaḍeśhum̐ḍāgĕ tana pŏṁdu
kaṁgaviṁchi sāgirai tanaganarādu gāni