ఔనయ్యా మే లెరిఁగిన ఆణికాఁడవు
(॥పల్లవి॥)
ఔనయ్యా మే లెరిఁగిన ఆణికాఁడవు
తానకమైన నీ దొరతనమెల్లాఁ గంటిమి
(॥ఔన॥)
జక్కఁదన మెరఁగనిజాణవా నీ వేమైనా
తక్కరి వై గుజ్జుదానిఁ దగిలితివి
యెక్కువగా నాముందర యెవ్వరినో యెంచఁగాను
చక్కఁగా నామదిలోన చల్లఁ గాక వుండునా
(॥ఔనా॥)
కన్నెపాయ మెరఁగని ఘనుఁడవా నీ వేమి
పిన్న వై రేవతిదేవిఁ బెండ్లాడితివి
యెన్నికె నాముందర నీయింతులజవ్వనమెంచె
తన్నిటా నామదిలోన నానందించ కుందునా
(॥ఔన॥)
యిట్టె వినయము నీ వెరఁగవా నీ రొమ్ము
మెట్టినయింతికె కడు మేలువాఁడవు
చిట్టకము లెంచేటి శ్రీవెంకటనాథ నన్ను
గటిగాఁ గూడితివి నేఁ గరఁగక వుందునా.
(||pallavi||)
aunayyā me lĕrim̐gina āṇigām̐ḍavu
tānagamaina nī dŏradanamĕllām̐ gaṁṭimi
(||auna||)
jakkam̐dana mĕram̐ganijāṇavā nī vemainā
takkari vai gujjudānim̐ dagilidivi
yĕkkuvagā nāmuṁdara yĕvvarino yĕṁcham̐gānu
sakkam̐gā nāmadilona sallam̐ gāga vuṁḍunā
(||aunā||)
kannĕbāya mĕram̐gani ghanum̐ḍavā nī vemi
pinna vai revadidevim̐ bĕṁḍlāḍidivi
yĕnnigĕ nāmuṁdara nīyiṁtulajavvanamĕṁchĕ
tanniḍā nāmadilona nānaṁdiṁcha kuṁdunā
(||auna||)
yiṭṭĕ vinayamu nī vĕram̐gavā nī rŏmmu
mĕṭṭinayiṁtigĕ kaḍu meluvām̐ḍavu
siṭṭagamu lĕṁcheḍi śhrīvĕṁkaḍanātha nannu
gaḍigām̐ gūḍidivi nem̐ garam̐gaga vuṁdunā.