(॥పల్లవి॥)
ఔనయ్య జాణఁడవు ప్రహ్లాదవరదా
ఆసలు వెట్టకుము ప్రహ్లాదవరదా
(॥ఔన॥)
వేసరక శ్రీ సతితో వేడుక నవ్వులు నవ్వి
ఆసలు చూపేవు ప్రహ్లాదవరదా
సేసవెట్టిన చేతుల చెఱఁగువట్టి తీసేవు
ఆ సుద్దులే చెప్పేను ప్రహ్లాదవరదా
(॥ఔన॥)
నంటునఁ దొడమీఁదను నలినాక్షి నెక్కించుక
అంటేవు సిగ్గులు ప్రహ్లాదవరదా
గెంటక యేపొద్దును కేలుగేలుఁ గీలించుక
అంటువాయ వదివో ప్రహ్లాదవరదా
(॥ఔన॥)
కందువతోఁ గాఁగిలించి కైవసము సేసుకొంటి -
నందముగ నీకెను ప్రహ్లాదవరదా
పొంది శ్రీవేంకటమున పొంచి యౌభళములోనా
అంది వరాలిచ్చేవు ప్రహ్లాదవరదా
(||pallavi||)
aunayya jāṇam̐ḍavu prahlādavaradā
āsalu vĕṭṭagumu prahlādavaradā
(||auna||)
vesaraga śhrī sadido veḍuga navvulu navvi
āsalu sūbevu prahlādavaradā
sesavĕṭṭina sedula sĕṟam̐guvaṭṭi tīsevu
ā suddule sĕppenu prahlādavaradā
(||auna||)
naṁṭunam̐ dŏḍamīm̐danu nalinākṣhi nĕkkiṁchuga
aṁṭevu siggulu prahlādavaradā
gĕṁṭaga yebŏddunu kelugelum̐ gīliṁchuga
aṁṭuvāya vadivo prahlādavaradā
(||auna||)
kaṁduvadom̐ gām̐giliṁchi kaivasamu sesugŏṁṭi -
naṁdamuga nīgĕnu prahlādavaradā
pŏṁdi śhrīveṁkaḍamuna pŏṁchi yaubhaḽamulonā
aṁdi varālichchevu prahlādavaradā