(॥పల్లవి॥)
ఔలే విరహుల జాడ లటువలెనే
తాలిమి లేక తామే తమకింతురు
(॥ఔలే॥)
మాటకు మునుపనే మగువలఁ దిట్టేవు
పాటించి వినఁగరాదా పనులెల్లాను
సూటిగా నీ పతిమోము చూచిన యంతటిలోనే
కాటుక కన్నుల నీరు కడు నించేవు
(॥ఔలే॥)
చేయివట్టి తీయఁగానే చిమ్ముచు విదిలించేవు
ఆయెడ నోరుచ రాదా అయినదాఁకాను
దాయికొని రమణుఁడు దగ్గరఁ గూచుండితేనే
పాయక అవ్వలిమోమై పవ్వళించేవు
(॥ఔలే॥)
వీడెము నేనియ్యఁగానే వేసరి వొల్లననేవు
యీడనె మీ నేరుపులెంచుకోరాదా
పాడిగాఁ గానట్టే పక్కన శ్రీవేంకటేశ
కూడితి వింతటిలోనే కొల్లున నవ్వేవు
(||pallavi||)
aule virahula jāḍa laḍuvalĕne
tālimi lega tāme tamagiṁturu
(||aule||)
māḍagu munubane maguvalam̐ diṭṭevu
pāḍiṁchi vinam̐garādā panulĕllānu
sūḍigā nī padimomu sūsina yaṁtaḍilone
kāḍuga kannula nīru kaḍu niṁchevu
(||aule||)
seyivaṭṭi tīyam̐gāne simmusu vidiliṁchevu
āyĕḍa norusa rādā ayinadām̐kānu
dāyigŏni ramaṇum̐ḍu daggaram̐ gūsuṁḍidene
pāyaga avvalimomai pavvaḽiṁchevu
(||aule||)
vīḍĕmu neniyyam̐gāne vesari vŏllananevu
yīḍanĕ mī nerubulĕṁchugorādā
pāḍigām̐ gānaṭṭe pakkana śhrīveṁkaḍeśha
kūḍidi viṁtaḍilone kŏlluna navvevu