అట్టివేళఁ గలఁగనీ దదివో వివేకము
(॥పల్లవి॥)
అట్టివేళఁ గలఁగనీ దదివో వివేకము
మట్టుపడితే శాంతము మఱి యేలా
(॥అట్టి॥)
జడధులు వొంగినట్టు సందడించు నింద్రియములు
వొడలిలో జీవునికి నొక్కొక్కవేళ
బడబాగ్ని రేగినట్టు పైకొనీ ముంగోపము
వుడికించు మనసెల్ల నొక్కొక్కవేళా
(॥అట్టి॥)
ఆరయ గొండయెత్తినట్టు వేఁగౌ సంసారము
వూరక కలిమిలేము లొక్కొక్కవేళ
మేరలేని చీకటియై మించును దుఃఖములెల్లా
వూరట లేనికర్మికి నొక్కొక్కవేళా
(॥అట్టి॥)
పెనుగాలి వీచినట్టు పెక్కుకోరికెలు ముంచు
వొనర నజ్ఞానికి నొక్కొక్కవేళ
యెనయఁగ శ్రీవేంకటేశుదాసుడైనదాఁకా
వునికిఁ బాయ విన్నియు నొక్కొక్కవేళా
(||pallavi||)
aṭṭiveḽam̐ galam̐ganī dadivo vivegamu
maṭṭubaḍide śhāṁtamu maṟi yelā
(||aṭṭi||)
jaḍadhulu vŏṁginaṭṭu saṁdaḍiṁchu niṁdriyamulu
vŏḍalilo jīvunigi nŏkkŏkkaveḽa
baḍabāgni reginaṭṭu paigŏnī muṁgobamu
vuḍigiṁchu manasĕlla nŏkkŏkkaveḽā
(||aṭṭi||)
āraya gŏṁḍayĕttinaṭṭu vem̐gau saṁsāramu
vūraga kalimilemu lŏkkŏkkaveḽa
meraleni sīgaḍiyai miṁchunu duḥkhamulĕllā
vūraḍa lenigarmigi nŏkkŏkkaveḽā
(||aṭṭi||)
pĕnugāli vīsinaṭṭu pĕkkugorigĕlu muṁchu
vŏnara najñānigi nŏkkŏkkaveḽa
yĕnayam̐ga śhrīveṁkaḍeśhudāsuḍainadām̐kā
vunigim̐ bāya vinniyu nŏkkŏkkaveḽā