అట్టె కానీవయ్య నేము నట్లానె సేసేము
(॥పల్లవి॥)
అట్టె కానీవయ్య నేము నట్లానె సేసేము
గట్టియైన సతులకుగాని నీవు లోఁగవు
(॥అట్టె॥)
కామించి నీవాకిలి గాచుక నేనుండఁగాను
నామొగము చూచి నీకు నగవురాదా
వేమరుఁ బంతములాడి వెసఁ బసులఁ గాపించే
గామిడి గొల్లెతలకుఁగాని నీవు లోఁగవు
(॥అట్టె॥)
యేపొద్దును నీరూపే యెగదిగఁజూడఁగాను
నాపొంతనేవుండి నీకు నగవురాదా
చేపట్టి మానాలుచూడ చెట్టెక్కించి వేళలు
కాపించే గొల్లెతలకుఁగాని నీవులోఁగవు
(॥అట్టె॥)
యెనసి నీకాఁగిటిలో యేపొద్దూ నేనుండఁగాను
ననుపైతే నీకింతేసి నగవురాదా
మును శ్రీవెంకటేశ యమునలోనాటలాడించే
ఘనమై గొల్లెతలకుఁగాని నీవు లోఁగవు
(||pallavi||)
aṭṭĕ kānīvayya nemu naṭlānĕ sesemu
gaṭṭiyaina sadulagugāni nīvu lom̐gavu
(||aṭṭĕ||)
kāmiṁchi nīvāgili gāsuga nenuṁḍam̐gānu
nāmŏgamu sūsi nīgu nagavurādā
vemarum̐ baṁtamulāḍi vĕsam̐ basulam̐ gābiṁche
gāmiḍi gŏllĕdalagum̐gāni nīvu lom̐gavu
(||aṭṭĕ||)
yebŏddunu nīrūbe yĕgadigam̐jūḍam̐gānu
nābŏṁtanevuṁḍi nīgu nagavurādā
sebaṭṭi mānālusūḍa sĕṭṭĕkkiṁchi veḽalu
kābiṁche gŏllĕdalagum̐gāni nīvulom̐gavu
(||aṭṭĕ||)
yĕnasi nīgām̐giḍilo yebŏddū nenuṁḍam̐gānu
nanubaide nīgiṁtesi nagavurādā
munu śhrīvĕṁkaḍeśha yamunalonāḍalāḍiṁche
ghanamai gŏllĕdalagum̐gāni nīvu lom̐gavu