(॥పల్లవి॥)
అట్టె బదుకవయ్యా అంతలోనే మాకేమి
ఇట్టె వలపే నీకు యెక్కువ సింగారమా
(॥అట్టె॥)
మాయదారివాఁడవు మానినులవుంగరాలు
యీయెడ వెళ్లఁబెట్టుక యెమ్మెసేసేవు
చాయలమేనిరేఖలు చాలవా అందుకుఁదోడు
కాయముపై మచ్చములు కడుసింగారమా
(॥అట్టె॥)
పొద్దువోనివాఁడవు పొలఁతులవలువలు
కొద్దిమీర మొలఁ గట్టుకొనివచ్చేవు
ముద్దుముద్దువలె నీమోవికెంపులే చాలవా
పెద్దరికపుటెరవు పెక్కువసింగారమా
(॥అట్టె॥)
కతకారివాఁడవు కాంతలపువ్వు దండలు
ఇతవై మెడవేసుక యెలయించేవు
తతి నన్నుఁ బొందితివి దగ్గరి శ్రీవేంకటేశ
రతులసదమదము రాఁపులసింగారమా
(||pallavi||)
aṭṭĕ badugavayyā aṁtalone māgemi
iṭṭĕ valabe nīgu yĕkkuva siṁgāramā
(||aṭṭĕ||)
māyadārivām̐ḍavu māninulavuṁgarālu
yīyĕḍa vĕḽlam̐bĕṭṭuga yĕmmĕsesevu
sāyalamenirekhalu sālavā aṁdugum̐doḍu
kāyamubai machchamulu kaḍusiṁgāramā
(||aṭṭĕ||)
pŏdduvonivām̐ḍavu pŏlam̐tulavaluvalu
kŏddimīra mŏlam̐ gaṭṭugŏnivachchevu
muddumudduvalĕ nīmovigĕṁpule sālavā
pĕddarigabuḍĕravu pĕkkuvasiṁgāramā
(||aṭṭĕ||)
kadagārivām̐ḍavu kāṁtalabuvvu daṁḍalu
idavai mĕḍavesuga yĕlayiṁchevu
tadi nannum̐ bŏṁdidivi daggari śhrīveṁkaḍeśha
radulasadamadamu rām̐pulasiṁgāramā