(॥పల్లవి॥)
అరుదరుదీగతి యహోబలేశ్వర
పొరిఁబొరి దాసులు పొగడుట యెట్టు
(॥అరు॥)
యెదుటఁ జించితివి హిరణ్యకశిపుని
అదె ప్రహ్లాదుఁడు బంటగుటెట్లు
కదిసిన రుద్రుని గర్వ మడఁచితివి
గుదిగొని దివిజులు కొలుచుట యెట్టు
(॥అరు॥)
ఘనసింహాకృతి గైకొనివుంటివి
యెనయఁగఁ గరిఁ గాచిన దెట్లు
పనివడి కంబము వగుల వెడలితివి
మనుజులు పూజించి మరుగుట యెట్లు
(॥అరు॥)
సరవితో వీరరసమున మించితివి
అరయఁగ శృంగారివౌటెట్టు
సిరిపుర మెక్కెను శ్రీవేంకటాద్రిని
యిరవుగ నీ తొడ యెక్కుట యెట్టు
(||pallavi||)
arudarudīgadi yahobaleśhvara
pŏrim̐bŏri dāsulu pŏgaḍuḍa yĕṭṭu
(||aru||)
yĕduḍam̐ jiṁchidivi hiraṇyagaśhibuni
adĕ prahlādum̐ḍu baṁṭaguḍĕṭlu
kadisina rudruni garva maḍam̐sidivi
gudigŏni divijulu kŏlusuḍa yĕṭṭu
(||aru||)
ghanasiṁhākṛti gaigŏnivuṁṭivi
yĕnayam̐gam̐ garim̐ gāsina dĕṭlu
panivaḍi kaṁbamu vagula vĕḍalidivi
manujulu pūjiṁchi maruguḍa yĕṭlu
(||aru||)
saravido vīrarasamuna miṁchidivi
arayam̐ga śhṛṁgārivauḍĕṭṭu
siribura mĕkkĕnu śhrīveṁkaḍādrini
yiravuga nī tŏḍa yĕkkuḍa yĕṭṭu