(॥పల్లవి॥)
అరు దరుదు నీమహి మతిమానుషము చూడ
పురుషోత్తమను దివ్యపుర జగన్నాథా
(॥అరు॥)
పసులఁ గాచే దేడ బ్రహ్మ నుతియించు టేడ
సిసువౌ టేడ నాలుగుచేత లేడ
కొసరి వేలనే యేడ కొండగొడగెత్తు టేడ
వసమా నిన్నుఁ బొగడ వరజగన్నాథా
(॥అరు॥)
జనవేష మేడ పారిజాతము దెచ్చిన దేడ
తనివెన్న ముచ్చి మేడ దైవికమేడ
పని బండిబోయిఁడేడ బాణుని నరకు టేడ
వినఁ గత నీమహిమ విష్ణు జగన్నాథా
(॥అరు॥)
కమ్మి రోలఁ గట్టు టేడ గరుడవాహన మేడ
దొమ్మి భద్రసుభద్రుల తోఁబుట్టు వేడ
చిమ్ముల నిలగిరిని (?) శ్రీవేంకటాద్రిమీఁద-
నుమ్మడి నిరవుకొంటివో జగన్నాథా
(||pallavi||)
aru darudu nīmahi madimānuṣhamu sūḍa
puruṣhottamanu divyabura jagannāthā
(||aru||)
pasulam̐ gāse deḍa brahma nudiyiṁchu ṭeḍa
sisuvau ṭeḍa nāluguseda leḍa
kŏsari velane yeḍa kŏṁḍagŏḍagĕttu ṭeḍa
vasamā ninnum̐ bŏgaḍa varajagannāthā
(||aru||)
janaveṣha meḍa pārijādamu dĕchchina deḍa
tanivĕnna muchchi meḍa daivigameḍa
pani baṁḍiboyim̐ḍeḍa bāṇuni naragu ṭeḍa
vinam̐ gada nīmahima viṣhṇu jagannāthā
(||aru||)
kammi rolam̐ gaṭṭu ṭeḍa garuḍavāhana meḍa
dŏmmi bhadrasubhadrula tom̐buṭṭu veḍa
simmula nilagirini (?) śhrīveṁkaḍādrimīm̐da-
nummaḍi niravugŏṁṭivo jagannāthā