అఱిముఱిఁ జూడఁబోతే నజ్ఞాని నేను
(॥పల్లవి॥)
అఱిముఱిఁ జూడఁబోతే నజ్ఞాని నేను
మఱఁగు చొచ్చితి మీకు మహిలో నారాయణా
(॥అఱి॥)
నిన్ను ధ్యానము సేసీని నిచ్చనిచ్చఁ దాళ్లపాక-
అన్నమయ్యఁగా రెదుట నదిగోవయ్య
పన్ని యాతనినే చూచి పాతకులమైన మమ్ము
మన్నించవయ్య వో మధుసూదనా
(॥అఱి॥)
సంకీర్తనలు సేసీ సారెఁ దాళ్లపాకన్నయ్య
అంకెల నీసన్నిధినే అదిగోవయ్య
అంకించి నే వారివాఁడనని దుష్టుడనైనా నా-
సంకె దీరఁ గావవయ్య సర్వేశ్వరా
(॥అఱి॥)
పాదాలం దున్నాఁడు దాళ్లపాకన్నమయ్య మీకు
ఆదరాన ముక్తుఁడై అదిగోవయ్య
యీదెస శ్రీవేంకటేశ యీసమ్మంధాననే నన్ను
నీదయపెట్టి రక్షించు నెమ్మది భూరమణా
(||pallavi||)
aṟimuṟim̐ jūḍam̐bode najñāni nenu
maṟam̐gu sŏchchidi mīgu mahilo nārāyaṇā
(||aṟi||)
ninnu dhyānamu sesīni nichchanichcham̐ dāḽlabāga-
annamayyam̐gā rĕduḍa nadigovayya
panni yādanine sūsi pādagulamaina mammu
manniṁchavayya vo madhusūdanā
(||aṟi||)
saṁkīrdanalu sesī sārĕm̐ dāḽlabāgannayya
aṁkĕla nīsannidhine adigovayya
aṁkiṁchi ne vārivām̐ḍanani duṣhṭuḍanainā nā-
saṁkĕ dīram̐ gāvavayya sarveśhvarā
(||aṟi||)
pādālaṁ dunnām̐ḍu dāḽlabāgannamayya mīgu
ādarāna muktum̐ḍai adigovayya
yīdĕsa śhrīveṁkaḍeśha yīsammaṁdhānane nannu
nīdayabĕṭṭi rakṣhiṁchu nĕmmadi bhūramaṇā