అరిగాఁపులము నేము అంతర్యామివి నీకు (వు?)
(॥పల్లవి॥)
అరిగాఁపులము నేము అంతర్యామివి నీకు (వు?)
యిరవై నీ చెప్పినట్టు యేమి సేతుమయ్యా
(॥అరి॥)
గాలి ముడి గట్టినట్టు కాయము మోచితిమి
కాలము గొలచితిమి కనురెప్పల
జాలి రొప్పితిమి వట్టి సటలనే యేపొద్దు
యేల మెచ్చవింకాను యేమి సేతుమయ్యా
(॥అరి॥)
చుక్కలు లెక్కించినట్టు చూడఁగ మా జన్మములు
వుక్కునఁ గర్మములకు నొడిగట్టితి (మి?)
తెక్కులను వెంటవెంటఁ దిరిగేము బంట్లమై
యెక్కువాయ వెట్టి మాకు నేమి సేతుమయ్యా
(॥అరి॥)
పాలు వొంగినటువలెఁ బాయము మోచితిమి
నాలుక కెక్కినవెల్లా నమలితిమి
యీలీల శ్రీవేంకటేశ ఇంత సేసితివి
యేలినవాఁడవు ఇంకా నేమిసేతుమయ్యా
(||pallavi||)
arigām̐pulamu nemu aṁtaryāmivi nīgu (vu?)
yiravai nī sĕppinaṭṭu yemi sedumayyā
(||ari||)
gāli muḍi gaṭṭinaṭṭu kāyamu mosidimi
kālamu gŏlasidimi kanurĕppala
jāli rŏppidimi vaṭṭi saḍalane yebŏddu
yela mĕchchaviṁkānu yemi sedumayyā
(||ari||)
sukkalu lĕkkiṁchinaṭṭu sūḍam̐ga mā janmamulu
vukkunam̐ garmamulagu nŏḍigaṭṭidi (mi?)
tĕkkulanu vĕṁṭavĕṁṭam̐ dirigemu baṁṭlamai
yĕkkuvāya vĕṭṭi māgu nemi sedumayyā
(||ari||)
pālu vŏṁginaḍuvalĕm̐ bāyamu mosidimi
nāluga kĕkkinavĕllā namalidimi
yīlīla śhrīveṁkaḍeśha iṁta sesidivi
yelinavām̐ḍavu iṁkā nemisedumayyā