అప్పులేని సంసార మైన పాటే చాలు
(॥పల్లవి॥)
అప్పులేని సంసార మైన పాటే చాలు
తప్పులేని జీతమొక్క తారమైనఁ జాలు
(॥అప్పు॥)
కంతలేని గుడిశొక్క గంపంతయినఁ జాలు
చింతలేని యంబలొక్క చారెఁడే చాలు
జంతగాని తరుణి యేజాతైన నదె చాలు
వింతలేని సంపదొక్క వీసమే చాలు
(॥అప్పు॥)
తిట్టులేని బ్రదుకొక్క దినమైన నదె చాలు
ముట్టులేని కూడొక్క ముద్దెఁడే చాలు
గుట్టుచెడి మనుకంటే కొంచెపు మేలైనఁ జాలు
వట్టి జాలిఁ బడకుంటే వచ్చినంతే చాలు
(॥అప్పు॥)
లంపటపడని మేలు లవలేశమే చాలు
రొంపి కంబమౌ కంటె రోయుటే చాలు
రంపపుఁ గోరిక కంటె రతి వేంకటపతి-
పంపున నాతనిఁ జేరే భవమే చాలు
(||pallavi||)
appuleni saṁsāra maina pāḍe sālu
tappuleni jīdamŏkka tāramainam̐ jālu
(||appu||)
kaṁtaleni guḍiśhŏkka gaṁpaṁtayinam̐ jālu
siṁtaleni yaṁbalŏkka sārĕm̐ḍe sālu
jaṁtagāni taruṇi yejādaina nadĕ sālu
viṁtaleni saṁpadŏkka vīsame sālu
(||appu||)
tiṭṭuleni bradugŏkka dinamaina nadĕ sālu
muṭṭuleni kūḍŏkka muddĕm̐ḍe sālu
guṭṭusĕḍi manugaṁṭe kŏṁchĕbu melainam̐ jālu
vaṭṭi jālim̐ baḍaguṁṭe vachchinaṁte sālu
(||appu||)
laṁpaḍabaḍani melu lavaleśhame sālu
rŏṁpi kaṁbamau kaṁṭĕ royuḍe sālu
raṁpabum̐ goriga kaṁṭĕ radi veṁkaḍabadi-
paṁpuna nādanim̐ jere bhavame sālu