(॥పల్లవి॥)
అప్పులవారే అందరును
కప్పఁగఁ దిప్పఁగఁ గర్తలు వేరీ
(॥అప్పు॥)
ఎక్కడ చూచిన నీ ప్రపంచమునఁ
జిక్కులు సిలుగులుఁ జింతలునే
దిక్కెవ్వరు యీ తీదీపులలో
దిక్కుముక్కులకు దేవుఁడెఁకాక
(॥అప్పు॥)
యేది దలంచిన నేకాలంబును
సూదులమూఁటల సుఖములివి
కాదన నౌననఁ గడ గనిపించఁగ
పోదికాఁడు తలఁపునఁ గలడొకఁడే
(॥అప్పు॥)
యెన్నఁడు వీడీ నెప్పుడు వాసీ
బన్నిన తమతమ బంధములు
వున్నతి సేయఁగ వొప్పులు నెరపఁగ
వెన్నుఁడు వేంకటవిభుఁడే కలఁడు
(||pallavi||)
appulavāre aṁdarunu
kappam̐gam̐ dippam̐gam̐ gardalu verī
(||appu||)
ĕkkaḍa sūsina nī prabaṁchamunam̐
jikkulu silugulum̐ jiṁtalune
dikkĕvvaru yī tīdībulalo
dikkumukkulagu devum̐ḍĕm̐kāga
(||appu||)
yedi dalaṁchina negālaṁbunu
sūdulamūm̐ṭala sukhamulivi
kādana naunanam̐ gaḍa ganibiṁcham̐ga
podigām̐ḍu talam̐punam̐ galaḍŏgam̐ḍe
(||appu||)
yĕnnam̐ḍu vīḍī nĕppuḍu vāsī
bannina tamadama baṁdhamulu
vunnadi seyam̐ga vŏppulu nĕrabam̐ga
vĕnnum̐ḍu veṁkaḍavibhum̐ḍe kalam̐ḍu