(॥పల్లవి॥)
అప్పని వరప్రసాది అన్నమయ్యా
అప్పసము మాకె కలఁ డన్నమయ్యా
(॥అప్పని॥)
అంతటికి నేలికైన ఆదినారాయణుఁ దన
యంతరంగాన నిలిపీ నన్నమయ్యా
సంతసానఁ జెలువొందె సనకసనందనాదు
లంతటివాఁడు తాళ్లపాకన్నమయ్యా
(॥అప్పని॥)
బిరుదు టెక్కెములుగా బెక్కు సంకీర్తనములు
హరిమీఁద విన్నవించె నన్నమయ్యా
విరివిగలిగినట్టి వేదముల యర్థ మెల్లా
అరసి తెలిపినాఁడు అన్నమయ్యా
(॥అప్పని॥)
అందమైన రామానుజాచార్యమతమున
అందుకొని నిలిచినాఁ డన్నమయ్యా
విందువలె మాకును శ్రీవెంకటనాథుని నిచ్చె
అందరిలో దాళ్లపాక అన్నమయ్యా
(||pallavi||)
appani varaprasādi annamayyā
appasamu māgĕ kalam̐ ḍannamayyā
(||appani||)
aṁtaḍigi neligaina ādinārāyaṇum̐ dana
yaṁtaraṁgāna nilibī nannamayyā
saṁtasānam̐ jĕluvŏṁdĕ sanagasanaṁdanādu
laṁtaḍivām̐ḍu tāḽlabāgannamayyā
(||appani||)
birudu ṭĕkkĕmulugā bĕkku saṁkīrdanamulu
harimīm̐da vinnaviṁchĕ nannamayyā
virivigaliginaṭṭi vedamula yardha mĕllā
arasi tĕlibinām̐ḍu annamayyā
(||appani||)
aṁdamaina rāmānujāsāryamadamuna
aṁdugŏni nilisinām̐ ḍannamayyā
viṁduvalĕ māgunu śhrīvĕṁkaḍanāthuni nichchĕ
aṁdarilo dāḽlabāga annamayyā