(॥పల్లవి॥)
అప్పఁడు మజ్జనమాడీ నంగనఁ గూడి
కుప్పలుఁ దెప్పలుగాఁ గుమ్మరించరో
(॥అప్పఁ॥)
బంగారుకొప్పెరల పన్నీరు నించి
రంగైన పచ్చకప్పురపు ధూళొత్తి
చెంగటఁ గస్తూరిధూళి చికిలి గావించి
పొంగారుఁదట్టుపుణుఁగు పోయరో గిన్నెలను
(॥అప్పఁ॥)
పటికంపు గాఁగుల పరిమళాలెల్లా
ఘటియించి కుంకుమతోఁ గడు మేదించి
అటునిటు గొజ్జంగనీరందంద నించి
కుటిలకుంతలులు పైఁగుమ్మరించరో
(॥అప్పఁ॥)
బలుపింగాణులఁ గదంబము గంధమును
కలపము గావించి గంబూరముతో
వెలయ మజ్జనమాడీ వేంకటాద్రివిభుఁడు
చెలఁగి యింతులు చేరి సేస చల్లరో
(||pallavi||)
appam̐ḍu majjanamāḍī naṁganam̐ gūḍi
kuppalum̐ dĕppalugām̐ gummariṁcharo
(||appam̐||)
baṁgārugŏppĕrala pannīru niṁchi
raṁgaina pachchagappurabu dhūḽŏtti
sĕṁgaḍam̐ gastūridhūḽi sigili gāviṁchi
pŏṁgārum̐daṭṭubuṇum̐gu poyaro ginnĕlanu
(||appam̐||)
paḍigaṁpu gām̐gula parimaḽālĕllā
ghaḍiyiṁchi kuṁkumadom̐ gaḍu mediṁchi
aḍuniḍu gŏjjaṁganīraṁdaṁda niṁchi
kuḍilaguṁtalulu paim̐gummariṁcharo
(||appam̐||)
balubiṁgāṇulam̐ gadaṁbamu gaṁdhamunu
kalabamu gāviṁchi gaṁbūramudo
vĕlaya majjanamāḍī veṁkaḍādrivibhum̐ḍu
sĕlam̐gi yiṁtulu seri sesa sallaro