అప్పళించిన జవ్వాది యంటిన మేనులతోడ
(॥పల్లవి॥)
అప్పళించిన జవ్వాది యంటిన మేనులతోడ
తొప్పఁ దోఁగు చెమటల దొరుగు టెన్నఁడురా
(॥అప్ప॥)
చెక్కువట్టి కదలించి చిఱునవ్వుతోడి నోరు
నొక్కి కౌఁగిలించి నోరునోరు గదియించి
అక్కిలివొయ్యనిమాట లాడి పేరుకొని తిద్ది
మక్కువ దలంచి మేను మఱచు టెన్నండురా!
(॥అప్ప॥)
ఉరముపై చనుగుబ్బ లూఁది పులకలు నించి
సరిలేని యధరము సారెసారెయు నాని
సిరిగల కొనగోరు సిరసు పై నొత్తియొత్తి
సుర వైభవములఁ జొక్కు టెన్నండురా
(॥అప్ప॥)
చాలియుం జాలని యట్టి సౌఖ్య సంపదలచే
తేలగిలెడికన్నుల తెలివాలుఁ జూపుల
యీలాగు తిరువేంకటేశుండు మనకు నబ్బి
నీ లోపల నేఁగలసి నీవౌట యెన్నండురా!
(||pallavi||)
appaḽiṁchina javvādi yaṁṭina menuladoḍa
tŏppam̐ dom̐gu sĕmaḍala dŏrugu ṭĕnnam̐ḍurā
(||appa||)
sĕkkuvaṭṭi kadaliṁchi siṟunavvudoḍi noru
nŏkki kaum̐giliṁchi norunoru gadiyiṁchi
akkilivŏyyanimāḍa lāḍi perugŏni tiddi
makkuva dalaṁchi menu maṟasu ṭĕnnaṁḍurā!
(||appa||)
uramubai sanugubba lūm̐di pulagalu niṁchi
sarileni yadharamu sārĕsārĕyu nāni
sirigala kŏnagoru sirasu pai nŏttiyŏtti
sura vaibhavamulam̐ jŏkku ṭĕnnaṁḍurā
(||appa||)
sāliyuṁ jālani yaṭṭi saukhya saṁpadalase
telagilĕḍigannula tĕlivālum̐ jūbula
yīlāgu tiruveṁkaḍeśhuṁḍu managu nabbi
nī lobala nem̐galasi nīvauḍa yĕnnaṁḍurā!