అప్పటి కప్పటి మాట లంతె చాలు
(॥పల్లవి॥)
అప్పటి కప్పటి మాట లంతె చాలు
యిప్పుడు కాలు దాఁకించ నేల మొక్క నేల
(॥అప॥)
కూరవండి కసవేరె గుణము లోలో నేల
యేరా నిన్నుఁగూడి పాసె యెగపోఁ తేలా
నీరువట్టుగొని యిట్టె నెయ్యైనాఁ దెమ్మన నేల
సారె నీవు రానప్పటి చలిమందు లేలా
(॥అప॥)
జాగరము సేయనేల సరిగా నిద్రించ నేల
వేడి నే వేఁగినందుకు వెంట రా నేల
యీగతి నడుసు చొర నేల కడుగఁగనేల
భోగించి నీకు నేపొద్దు బుద్ది చెప్పనేల
(॥అప॥)
ఆకడఁ బంతము లేల అట్టె పందతన మేల
చేకొని గో రంటనేల సిగ్గువడ నేల
మేకుల శ్రీ వెంకటేశ మేలు నన్ను భ్రమయించి
పైకొని కూడితి వింక బా సడుగ నేల
(||pallavi||)
appaḍi kappaḍi māḍa laṁtĕ sālu
yippuḍu kālu dām̐kiṁcha nela mŏkka nela
(||aba||)
kūravaṁḍi kasaverĕ guṇamu lolo nela
yerā ninnum̐gūḍi pāsĕ yĕgabom̐ telā
nīruvaṭṭugŏni yiṭṭĕ nĕyyainām̐ dĕmmana nela
sārĕ nīvu rānappaḍi salimaṁdu lelā
(||aba||)
jāgaramu seyanela sarigā nidriṁcha nela
veḍi ne vem̐ginaṁdugu vĕṁṭa rā nela
yīgadi naḍusu sŏra nela kaḍugam̐ganela
bhogiṁchi nīgu nebŏddu buddi sĕppanela
(||aba||)
āgaḍam̐ baṁtamu lela aṭṭĕ paṁdadana mela
segŏni go raṁṭanela sigguvaḍa nela
megula śhrī vĕṁkaḍeśha melu nannu bhramayiṁchi
paigŏni kūḍidi viṁka bā saḍuga nela