అనుచు లోకములెల్ల నదె జయవెట్టేరు
(॥పల్లవి॥)
అనుచు లోకములెల్ల నదె జయవెట్టేరు
నినుఁ గొల్చితిఁ గావవే నీరజాక్షుఁడా
(॥అను॥)
అదివో కోనేటిలోన నదివో సర్వ తీర్థములు
అదివో పైఁడిమేడల హరినగరు
పొదలి పరుషలెల్లా పొదిగి సేవించేరు
యిదివో వరములిచ్చె నిందిరానాథుఁడు
(॥అను॥)
అదివో వేదఘోషము అదివో సురలమూఁక
అదివో విశ్వరూపము అద్భుతమందె
గుదిగొనెఁ బుణ్యములు కోట్ల సంఖ్యలు చేరె
యిదివో దయదలఁచె నీశ్వరేశ్వరుఁడు
(॥అను॥)
అదివో శ్రీవేంకటేశుఁ డక్కున నలమేల్మంగ
అదివో నిత్యశూరులు ఆళువారలు
నిదుల శేషాచలము నిక్కి పైపైఁ బొడచూపె
యిదివో కొలువున్నాఁడు హృదయాంతరాత్ముఁడు
(||pallavi||)
anusu logamulĕlla nadĕ jayavĕṭṭeru
ninum̐ gŏlsidim̐ gāvave nīrajākṣhum̐ḍā
(||anu||)
adivo koneḍilona nadivo sarva tīrdhamulu
adivo paim̐ḍimeḍala harinagaru
pŏdali paruṣhalĕllā pŏdigi seviṁcheru
yidivo varamulichchĕ niṁdirānāthum̐ḍu
(||anu||)
adivo vedaghoṣhamu adivo suralamūm̐ka
adivo viśhvarūbamu adbhudamaṁdĕ
gudigŏnĕm̐ buṇyamulu koṭla saṁkhyalu serĕ
yidivo dayadalam̐sĕ nīśhvareśhvarum̐ḍu
(||anu||)
adivo śhrīveṁkaḍeśhum̐ ḍakkuna nalamelmaṁga
adivo nityaśhūrulu āḽuvāralu
nidula śheṣhāsalamu nikki paibaim̐ bŏḍasūbĕ
yidivo kŏluvunnām̐ḍu hṛdayāṁtarātmum̐ḍu