(॥పల్లవి॥)
అణురేణుపరిపూర్ణుఁడైన శ్రీవల్లభునిఁ
బ్రణుతించువారువో బ్రాహ్మలు
(॥అణు॥)
హరి నామములనె సంధ్యాది విధులొనరించు
పరిపూర్ణమతులు వో బ్రాహ్మలు
హరి మంత్ర వేద పారాయణులు హరి భక్తి
పరులైన వారువో బ్రాహ్మలు
(॥అణు॥)
యేమి చూచినను హరి యిన్నిటాఁ గలఁడనుచు
భావించువారువో బ్రాహ్మలు
దేవకీనందనుఁడె దేవుఁడని మతిఁదెలియు
పావనులు వారువో బ్రాహ్మలు
(॥అణు॥)
ఆదినారాయణుని ననయంబుఁ దమయాత్మఁ
బాదుకొలిపిన వారు బ్రాహ్మలు
వేద రక్షకుఁడైన వేంకట గిరీశ్వరుని
పాద సేవకులవో బ్రాహ్మలు
(||pallavi||)
aṇureṇubaribūrṇum̐ḍaina śhrīvallabhunim̐
braṇudiṁchuvāruvo brāhmalu
(||aṇu||)
hari nāmamulanĕ saṁdhyādi vidhulŏnariṁchu
paribūrṇamadulu vo brāhmalu
hari maṁtra veda pārāyaṇulu hari bhakti
parulaina vāruvo brāhmalu
(||aṇu||)
yemi sūsinanu hari yinniḍām̐ galam̐ḍanusu
bhāviṁchuvāruvo brāhmalu
devagīnaṁdanum̐ḍĕ devum̐ḍani madim̐dĕliyu
pāvanulu vāruvo brāhmalu
(||aṇu||)
ādinārāyaṇuni nanayaṁbum̐ damayātmam̐
bādugŏlibina vāru brāhmalu
veda rakṣhagum̐ḍaina veṁkaḍa girīśhvaruni
pāda sevagulavo brāhmalu