(॥పల్లవి॥)
అణురేణుపరిపూర్ణమైన రూపము
అణిమాది సిరి యంజనాద్రిమీఁది రూపము
(॥అణు॥)
వేదాంతవేత్తలెల్లా వెదకేటి రూపము
ఆదినంత్యములేని యారూపము
పాదుగ యోగీంద్రులు భావించు రూపము
యీదెస నిదివో కోనేటిదరి రూపము
(॥అణు॥)
పాలజలనిధిలోనఁ బవళించే రూపము
కాలపు సూర్యచంద్రాగ్నిగల రూపము
మేలిమి వైకుంఠాన మెరసిన రూపము
కీలైనదిదే శేషగిరిమీఁది రూపము
(॥అణు॥)
ముంచిన బ్రహ్మాదులకు మూలమైన రూపము
కొంచని మఱ్ఱాకుమీఁది కొన రూపము
మంచి పరబ్రహ్మమై మమ్మునేలిన రూపము
యెంచఁగ శ్రీవేంకటాద్రినిదే రూపము
(||pallavi||)
aṇureṇubaribūrṇamaina rūbamu
aṇimādi siri yaṁjanādrimīm̐di rūbamu
(||aṇu||)
vedāṁtavettalĕllā vĕdageḍi rūbamu
ādinaṁtyamuleni yārūbamu
pāduga yogīṁdrulu bhāviṁchu rūbamu
yīdĕsa nidivo koneḍidari rūbamu
(||aṇu||)
pālajalanidhilonam̐ bavaḽiṁche rūbamu
kālabu sūryasaṁdrāgnigala rūbamu
melimi vaiguṁṭhāna mĕrasina rūbamu
kīlainadide śheṣhagirimīm̐di rūbamu
(||aṇu||)
muṁchina brahmādulagu mūlamaina rūbamu
kŏṁchani maṭrāgumīm̐di kŏna rūbamu
maṁchi parabrahmamai mammunelina rūbamu
yĕṁcham̐ga śhrīveṁkaḍādrinide rūbamu