(॥పల్లవి॥)
అన్నియును నతని కృత్యములే
యెన్నియైనా నవు నతఁడేమి సేసినను
(॥అన్ని॥)
అణురేణు పరిపూర్ణుఁడవలి మోమైతేను
అణువౌను కమలభవాండమైన
ఫణిశయనుని కృపాపరిపూర్ణ మైతే
తృణమైన మేరువౌ స్థిరముగా నపుడే
(॥అన్ని॥)
పురుషోత్తముని భక్తి పొరపొచ్చ మైతే
ఎరవులౌ నిజసిరులు ఎన్నైనను
హరిమీఁది చింత పాయక నిజం బైతే
నిరతిఁ బట్టినవెల్లా నిధానములే
(॥అన్ని॥)
మదనగురుని సేవ మదికి వెగటైతేను
పదివేలు పుణ్యములు పాపంబులే
పదిలమై వేంకటపతి భక్తి గలిగితేను
తుదిపదంబునకెల్ల దొడవవు నపుడే
(||pallavi||)
anniyunu nadani kṛtyamule
yĕnniyainā navu nadam̐ḍemi sesinanu
(||anni||)
aṇureṇu paribūrṇum̐ḍavali momaidenu
aṇuvaunu kamalabhavāṁḍamaina
phaṇiśhayanuni kṛpābaribūrṇa maide
tṛṇamaina meruvau sthiramugā nabuḍe
(||anni||)
puruṣhottamuni bhakti pŏrabŏchcha maide
ĕravulau nijasirulu ĕnnainanu
harimīm̐di siṁta pāyaga nijaṁ baide
niradim̐ baṭṭinavĕllā nidhānamule
(||anni||)
madanaguruni seva madigi vĕgaḍaidenu
padivelu puṇyamulu pābaṁbule
padilamai veṁkaḍabadi bhakti galigidenu
tudibadaṁbunagĕlla dŏḍavavu nabuḍe