అన్నియుఁ జదివితిఁగా ఆహా నేను
(॥పల్లవి॥)
అన్నియుఁ జదివితిఁగా ఆహా నేను
నున్ననిమాటల నోరు నుడిగెడిదేదో
(॥అన్ని॥)
వొద్దనుండే నాజన్మమోహో మరచితిఁగా
చద్దివంటి మాతల్లిచన్ను మఱచితిఁగా
ముద్దుతోఁ బొరలే మలమూత్రము మఱచితిఁగా
యెద్దువంటివాఁడ నేను యెఱిఁగేటిదేదో
(॥అన్ని॥)
యిప్పటిచవి రేపటికెంచి తనియలేఁగా
తప్పక కాంతలఁ జూచి తలఁపు దనియలేఁగా
ముప్పిరిఁ బెక్కుగాలము ముదిసీఁ దనియలేఁగా
పిప్పివంటివాఁడ నేను పెనఁగేటిదేదో
(॥అన్ని॥)
యేడదో యీదేహమౌత యేనేమి నెఱఁగఁగా
కూడిన మనువెక్కడొ గురుతూ నెఱఁగఁగా
యీడనే శ్రీవేంకటేశుఁ డిట్టే నన్నుఁ గాచెఁగా
నీడవంటివాఁడ నేను నేరుపింకనేదో
(||pallavi||)
anniyum̐ jadividim̐gā āhā nenu
nunnanimāḍala noru nuḍigĕḍidedo
(||anni||)
vŏddanuṁḍe nājanmamoho marasidim̐gā
saddivaṁṭi mādallisannu maṟasidim̐gā
muddudom̐ bŏrale malamūtramu maṟasidim̐gā
yĕdduvaṁṭivām̐ḍa nenu yĕṟim̐geḍidedo
(||anni||)
yippaḍisavi rebaḍigĕṁchi taniyalem̐gā
tappaga kāṁtalam̐ jūsi talam̐pu daniyalem̐gā
muppirim̐ bĕkkugālamu mudisīm̐ daniyalem̐gā
pippivaṁṭivām̐ḍa nenu pĕnam̐geḍidedo
(||anni||)
yeḍado yīdehamauda yenemi nĕṟam̐gam̐gā
kūḍina manuvĕkkaḍŏ gurudū nĕṟam̐gam̐gā
yīḍane śhrīveṁkaḍeśhum̐ ḍiṭṭe nannum̐ gāsĕm̐gā
nīḍavaṁṭivām̐ḍa nenu nerubiṁkanedo