అన్నియు నీతనిమూల మాతఁడే మాపాలఁ జిక్కె
(॥పల్లవి॥)
అన్నియు నీతనిమూల మాతఁడే మాపాలఁ జిక్కె
కన్నుల మా వేడుకకు కడయేది యిఁకను
(॥అన్ని॥)
కామధేనువు గలి(గి?)తే గర్వించు నొక్కరుఁడు
భూమి యేలితే నొకఁడు పొదలుచుండు
కామించి నిధి గంటె కళలమించు నొకఁడు
శ్రీమంతుఁడగు హరి చిక్కె మాకు నిదివో
(॥అన్ని॥)
పరుసవేదిగలి(గి?)తే పంతములాడు నొకఁడు
ధరఁ జింతామణబ్బితే దాఁటు నొకఁడు
సురలోక మబ్బితేను చొక్కుచునుండు నొకఁడు
పరమాత్ముఁడే మా పాలఁ జిక్కెనిదివో
(॥అన్ని॥)
అమృతపానము సేసి యానందించు నొకఁడు
భ్రమను దేహసిద్ధిఁ బరగొకఁడు
తమి శ్రీవేంకటేశుఁడే దాఁచిన ధనమై మాకు
అమరి నా మతిఁ జిక్కె నడ్డములే దిదివో
(||pallavi||)
anniyu nīdanimūla mādam̐ḍe mābālam̐ jikkĕ
kannula mā veḍugagu kaḍayedi yim̐kanu
(||anni||)
kāmadhenuvu gali(gi?)te garviṁchu nŏkkarum̐ḍu
bhūmi yelide nŏgam̐ḍu pŏdalusuṁḍu
kāmiṁchi nidhi gaṁṭĕ kaḽalamiṁchu nŏgam̐ḍu
śhrīmaṁtum̐ḍagu hari sikkĕ māgu nidivo
(||anni||)
parusavedigali(gi?)te paṁtamulāḍu nŏgam̐ḍu
dharam̐ jiṁtāmaṇabbide dām̐ṭu nŏgam̐ḍu
suraloga mabbidenu sŏkkusunuṁḍu nŏgam̐ḍu
paramātmum̐ḍe mā pālam̐ jikkĕnidivo
(||anni||)
amṛtabānamu sesi yānaṁdiṁchu nŏgam̐ḍu
bhramanu dehasiddhim̐ baragŏgam̐ḍu
tami śhrīveṁkaḍeśhum̐ḍe dām̐sina dhanamai māgu
amari nā madim̐ jikkĕ naḍḍamule didivo