అన్నియు నాలో నుండఁగ నవ్వల నేమి చూచేము
(॥పల్లవి॥)
అన్నియు నాలో నుండఁగ నవ్వల నేమి చూచేము
యెన్నఁడు గాననిమాయ యెరఁగవో మనసా
(॥అన్ని॥)
యీడనే సంసార మిదె యింద్రజాలమై యుండఁగ
యేడకైనాఁ జూడఁ బోయే మింద్రజాలము
పాడితో నా పట్టుగులే బహురూపాలై యుండఁగ
వేడుకయ్యీ బహురూపవిద్యలు చూడఁగను
(॥అన్ని॥)
నటన దినదినము నాటకమై యుండఁగాను
సటవట నాటకాలు సారెఁ జూచేము
ఘటన మాయలెదుటఁ గనుకట్టై వుండఁగాను
అటమటపువిద్యలు అన్నియుఁ జూచేము
(॥అన్ని॥)
పాపపుణ్యములు రెండు బారివిద్య లుండఁగాను
కోపుల నాటలవారిఁ గోరి చూచేము
యేపున శ్రీవేంకటేశు డిటు మమ్ము భ్రమపాపె
నాపనులు నేనే చూచి నవ్వులు నవ్వేను
(||pallavi||)
anniyu nālo nuṁḍam̐ga navvala nemi sūsemu
yĕnnam̐ḍu gānanimāya yĕram̐gavo manasā
(||anni||)
yīḍane saṁsāra midĕ yiṁdrajālamai yuṁḍam̐ga
yeḍagainām̐ jūḍam̐ boye miṁdrajālamu
pāḍido nā paṭṭugule bahurūbālai yuṁḍam̐ga
veḍugayyī bahurūbavidyalu sūḍam̐ganu
(||anni||)
naḍana dinadinamu nāḍagamai yuṁḍam̐gānu
saḍavaḍa nāḍagālu sārĕm̐ jūsemu
ghaḍana māyalĕduḍam̐ ganugaṭṭai vuṁḍam̐gānu
aḍamaḍabuvidyalu anniyum̐ jūsemu
(||anni||)
pābabuṇyamulu rĕṁḍu bārividya luṁḍam̐gānu
kobula nāḍalavārim̐ gori sūsemu
yebuna śhrīveṁkaḍeśhu ḍiḍu mammu bhramabābĕ
nābanulu nene sūsi navvulu navvenu