అన్నివిధములుఁ దానై యాతుమలో మరి వీఁడే
(॥పల్లవి॥)
అన్నివిధములుఁ దానై యాతుమలో మరి వీఁడే
పన్నిన యీ పరమాత్మభావనే మా బ్రదుకు
(॥అన్ని॥)
గోపాలకృష్ణునిచూపే కోరిన పనులపాఁడి
గోపికావల్లభుకృపే కూర్మివనిత
శ్రీపతిదయే మాకుఁజేరే ధనధాన్యములు
చేపట్టిన బ్రహ్మతండ్రిచిత్తమే మాపుత్రులు
(॥అన్ని॥)
జలధిశాయికరుణే సర్వరత్నములసొమ్ము
అల పీతాంబరువాత్సల్యమే వస్త్రములు
మలయు గరుడధ్వజుమన్ననే వాహనములు
యిల నచ్యుతనామమే యిదే మాకాయుష్యము
(॥అన్ని॥)
అమృతమథను మహిమదె మా గాదెల కొల్చు
విమతదైత్యారి యావేశమే భయహరము
అమర శ్రీవేంకటేశు నడుగులే మాకు నిండ్లు
తమితో నాతనిదేవే తల్లియుఁ దండ్రియును
(||pallavi||)
annividhamulum̐ dānai yādumalo mari vīm̐ḍe
pannina yī paramātmabhāvane mā bradugu
(||anni||)
gobālakṛṣhṇunisūbe korina panulabām̐ḍi
gobigāvallabhukṛpe kūrmivanida
śhrībadidaye māgum̐jere dhanadhānyamulu
sebaṭṭina brahmadaṁḍrisittame mābutrulu
(||anni||)
jaladhiśhāyigaruṇe sarvaratnamulasŏmmu
ala pīdāṁbaruvātsalyame vastramulu
malayu garuḍadhvajumannane vāhanamulu
yila nachyudanāmame yide māgāyuṣhyamu
(||anni||)
amṛtamathanu mahimadĕ mā gādĕla kŏlsu
vimadadaityāri yāveśhame bhayaharamu
amara śhrīveṁkaḍeśhu naḍugule māgu niṁḍlu
tamido nādanideve talliyum̐ daṁḍriyunu