అన్నిమంత్రములు నిందే యావహించెను
(॥పల్లవి॥)
అన్నిమంత్రములు నిందే యావహించెను
వెన్నతో నాకుఁ గలిగె వేంకటేశు మంత్రము
(॥అన్ని॥)
నారదుండు జపియించె నారాయణ మంత్రము
చేరెఁ బ్రహ్లాదుఁడు నారసింహ మంత్రము
కోరి విభీషణుఁడు చేకొనె రామమంత్రము
వేరె నాకుఁగలిగె వేంకటేశు మంత్రము
(॥అన్ని॥)
రంగగు వాసుదేవ మంత్రము ధ్రువుఁడు జపించె
నంగవించెఁ గృష్ణమంత్ర మర్జునుఁడును
ముంగిట విష్ణుమంత్రము మొగి శుకుఁడు పఠించె
వింగడమై నాకు నబ్బె వేంకటేశు మంత్రము
(॥అన్ని॥)
యిన్ని మంత్రములకెల్ల యిందిరా నాథుఁడే గురి
పన్నినదిదియే పర బ్రహ్మమంత్రము
నన్నుఁ గావఁ కలిగెఁబో నాకు గురుఁడియ్యఁగాను
వెన్నెలవంటిది శ్రీ వేంకటేశు మంత్రము
(||pallavi||)
annimaṁtramulu niṁde yāvahiṁchĕnu
vĕnnado nāgum̐ galigĕ veṁkaḍeśhu maṁtramu
(||anni||)
nāraduṁḍu jabiyiṁchĕ nārāyaṇa maṁtramu
serĕm̐ brahlādum̐ḍu nārasiṁha maṁtramu
kori vibhīṣhaṇum̐ḍu segŏnĕ rāmamaṁtramu
verĕ nāgum̐galigĕ veṁkaḍeśhu maṁtramu
(||anni||)
raṁgagu vāsudeva maṁtramu dhruvum̐ḍu jabiṁchĕ
naṁgaviṁchĕm̐ gṛṣhṇamaṁtra marjunum̐ḍunu
muṁgiḍa viṣhṇumaṁtramu mŏgi śhugum̐ḍu paṭhiṁchĕ
viṁgaḍamai nāgu nabbĕ veṁkaḍeśhu maṁtramu
(||anni||)
yinni maṁtramulagĕlla yiṁdirā nāthum̐ḍe guri
panninadidiye para brahmamaṁtramu
nannum̐ gāvam̐ kaligĕm̐bo nāgu gurum̐ḍiyyam̐gānu
vĕnnĕlavaṁṭidi śhrī veṁkaḍeśhu maṁtramu