(॥పల్లవి॥)
అన్నిటికి నిది పరమౌషధము
వెన్నుని నామమే విమలౌషధము
(॥అన్నిటి॥)
చిత్తశాంతికిని శ్రీ పతి నామమె
హత్తిననిజ దివ్యౌషధము
మొత్తపు బంధవిమోచనంబునకు
చిత్తజ గురుఁడే సిద్ధౌషధము
(॥అన్నిటి॥)
పరిపరి విధముల భవ రోగములకు
హరిపాద జలమె యౌషధము
దురితకర్మములఁ దొలఁగించుటకును
మురహర పూజే ముఖ్యౌషధము
(॥అన్నిటి॥)
యిల నిహపరముల నిందిరావిభుని -
నలరి భజింపుటె యౌషధము
కలిగిన శ్రీ వేంకటపతి శరణమే
నిలిచిన మాకిది నిత్యౌషధము
(||pallavi||)
anniḍigi nidi paramauṣhadhamu
vĕnnuni nāmame vimalauṣhadhamu
(||anniḍi||)
sittaśhāṁtigini śhrī padi nāmamĕ
hattinanija divyauṣhadhamu
mŏttabu baṁdhavimosanaṁbunagu
sittaja gurum̐ḍe siddhauṣhadhamu
(||anniḍi||)
paribari vidhamula bhava rogamulagu
haribāda jalamĕ yauṣhadhamu
duridagarmamulam̐ dŏlam̐giṁchuḍagunu
murahara pūje mukhyauṣhadhamu
(||anniḍi||)
yila nihabaramula niṁdirāvibhuni -
nalari bhajiṁpuḍĕ yauṣhadhamu
kaligina śhrī veṁkaḍabadi śharaṇame
nilisina māgidi nityauṣhadhamu