అన్నిటికి నారదాదు లదివో సాక్షి
(॥పల్లవి॥)
అన్నిటికి నారదాదు లదివో సాక్షి
యిన్నిటా మాకుఁ గలిగె నేమైనాఁ గాని
(॥అన్ని॥)
భూమిలోన నెన్నియైనా పుణ్యములు గలవు
కామింప నాచారాలు కల వెన్నైనా
సామజవరదు నొక్కసారె దలఁచినందుకు
యేమియును సరిగావు యెట్టయినాఁ గాని
(॥అన్ని॥)
వుత్తమలోకసుఖము లొగి నెన్నైనాఁ గలవు
యిత్తల సిరులు గల విల నెన్నైనా
చిత్తజగురుని నటు సేవించే పుణ్యమువలె
నిత్తెము గావు గాని నిచ్చలు నెంతైనను
(॥అన్ని॥)
కలవు మతాలు గొన్ని కలవు ముక్తులు గొన్ని
కలవు మాయలు పెక్కు గల్పించేవి
తలఁచి శ్రీవేంకటేశు దాసుఁడైన భాగ్య మిది
గలిగె నిట్టే మాకుఁ గాణాచి గాని
(||pallavi||)
anniḍigi nāradādu ladivo sākṣhi
yinniḍā māgum̐ galigĕ nemainām̐ gāni
(||anni||)
bhūmilona nĕnniyainā puṇyamulu galavu
kāmiṁpa nāsārālu kala vĕnnainā
sāmajavaradu nŏkkasārĕ dalam̐sinaṁdugu
yemiyunu sarigāvu yĕṭṭayinām̐ gāni
(||anni||)
vuttamalogasukhamu lŏgi nĕnnainām̐ galavu
yittala sirulu gala vila nĕnnainā
sittajaguruni naḍu seviṁche puṇyamuvalĕ
nittĕmu gāvu gāni nichchalu nĕṁtainanu
(||anni||)
kalavu madālu gŏnni kalavu muktulu gŏnni
kalavu māyalu pĕkku galbiṁchevi
talam̐si śhrīveṁkaḍeśhu dāsum̐ḍaina bhāgya midi
galigĕ niṭṭe māgum̐ gāṇāsi gāni