(॥పల్లవి॥)
అన్నిటికి గారణము హరియే ప్రపన్నులకు
పన్నిన లోకులకెల్ల ప్రకృతి కారణము
(॥అన్ని॥)
తలఁపు గారణము తత్వవేత్తలకును
చలము గారణము సంసారులకును
ఫలము గారణము పరమవేదాంతులకు
కలిమి గారణము కర్ములకును
(॥అన్ని॥)
తనయాత్మ గారణము తగినసుజ్ఞానులకు
తనువే కారణము తగ జంతువులకు
ఘనము క్తి గారణము కడగన్నవారికెల్లా
కనకమే కారణము కమ్మినబంధులకు
(॥అన్ని॥)
దేవుఁడు గారణము తెలిసినవారికెల్లా
జీవుడు గారణము చిల్లరమనుజులకు
దేవుడు వేరే కాఁడు దిక్కు శ్రీవేంకటేశుఁడే
పావన మాతనికృప పరమకారణము
(||pallavi||)
anniḍigi gāraṇamu hariye prabannulagu
pannina logulagĕlla prakṛti kāraṇamu
(||anni||)
talam̐pu gāraṇamu tatvavettalagunu
salamu gāraṇamu saṁsārulagunu
phalamu gāraṇamu paramavedāṁtulagu
kalimi gāraṇamu karmulagunu
(||anni||)
tanayātma gāraṇamu taginasujñānulagu
tanuve kāraṇamu taga jaṁtuvulagu
ghanamu kti gāraṇamu kaḍagannavārigĕllā
kanagame kāraṇamu kamminabaṁdhulagu
(||anni||)
devum̐ḍu gāraṇamu tĕlisinavārigĕllā
jīvuḍu gāraṇamu sillaramanujulagu
devuḍu vere kām̐ḍu dikku śhrīveṁkaḍeśhum̐ḍe
pāvana mādanikṛpa paramagāraṇamu