అన్నిటాను జాణఁడు అప్పటి నెరఁగఁడు
(॥పల్లవి॥)
అన్నిటాను జాణఁడు అప్పటి నెరఁగఁడు
చిన్నదాన మీకు(రు?) బుద్దిచెప్పరె యీతనికె (కి?)
(॥అన్ని॥)
ముల్లుచూప తొలుతేల మొక్కి తలవంచనేల
వొల్లనె యప్పటి జాడ నుండరాదా
చుల్లరపు నేఁతలేల సుదతికిఁ జిక్కనేల
జెల్లుబడిగా బుద్దులుచెప్పరె యీతనికి
(॥అన్ని॥)
వట్టి కపటములేల వాకిలి గావఁగనేల
చుట్టరిక మట్లానె చూపరాదా
మట్టులే కలుగనేల మరి వెదకఁగనేల
చిట్టకముదీర బుద్దిచెప్పరె యీతనికి
(॥అన్ని॥)
మానినుల పొందులేల మాకుపడివుండనేల
కానీవె బుద్దెరఁగఁడా కలికిగాఁడా
ఆనుక శ్రీవెంకటేశుఁ డంతలోనె నన్నుఁ గూడె
సేనలుగా యిఁక బుద్దిచెప్పరె యీతనికి
(||pallavi||)
anniḍānu jāṇam̐ḍu appaḍi nĕram̐gam̐ḍu
sinnadāna mīgu(ru?) buddisĕpparĕ yīdanigĕ (ki?)
(||anni||)
mullusūba tŏludela mŏkki talavaṁchanela
vŏllanĕ yappaḍi jāḍa nuṁḍarādā
sullarabu nem̐talela sudadigim̐ jikkanela
jĕllubaḍigā buddulusĕpparĕ yīdanigi
(||anni||)
vaṭṭi kabaḍamulela vāgili gāvam̐ganela
suṭṭariga maṭlānĕ sūbarādā
maṭṭule kaluganela mari vĕdagam̐ganela
siṭṭagamudīra buddisĕpparĕ yīdanigi
(||anni||)
māninula pŏṁdulela māgubaḍivuṁḍanela
kānīvĕ buddĕram̐gam̐ḍā kaligigām̐ḍā
ānuga śhrīvĕṁkaḍeśhum̐ ḍaṁtalonĕ nannum̐ gūḍĕ
senalugā yim̐ka buddisĕpparĕ yīdanigi