అన్నిటాను హరిదాసు లధికులు
(॥పల్లవి॥)
అన్నిటాను హరిదాసు లధికులు
కన్నులవంటివారు కమలజాదులకు
(॥అన్ని॥)
అందరును సమమైతే నరుహానరుహము లేదా
అందరిలో హరియైతే నౌఁ గాక
బొందితో విప్రుని దెచ్చి పూజించినట్టు వేరే
పొందుగాని శునకముఁ బూజించఁదగునా
(॥అన్ని॥)
అన్నిమతములు సరియైతేను వాసి లేదా
చెన్నగుఁ బురాణాలు చెప్పుఁ గాక
యెన్నఁగ సొర్ణాటంక మింతటానుఁ జెల్లినట్లు
సన్నపుఁ దోలుబిళ్లలు సరిగాఁ జెల్లునా
(॥అన్ని॥)
గక్కునఁ బైరువిత్తఁగా గాదము మొలచినట్టు
చిక్కిన కర్మములెల్లాఁ జెలఁగెఁ గాక
తక్కక శ్రీవేంకటేశుదాస్య మెక్కుడైనట్టు
యెక్కడా మోక్షోపాయ మిఁకఁ జెప్ప నున్నదా
(||pallavi||)
anniḍānu haridāsu ladhigulu
kannulavaṁṭivāru kamalajādulagu
(||anni||)
aṁdarunu samamaide naruhānaruhamu ledā
aṁdarilo hariyaide naum̐ gāga
bŏṁdido vipruni dĕchchi pūjiṁchinaṭṭu vere
pŏṁdugāni śhunagamum̐ būjiṁcham̐dagunā
(||anni||)
annimadamulu sariyaidenu vāsi ledā
sĕnnagum̐ burāṇālu sĕppum̐ gāga
yĕnnam̐ga sŏrṇāḍaṁka miṁtaḍānum̐ jĕllinaṭlu
sannabum̐ dolubiḽlalu sarigām̐ jĕllunā
(||anni||)
gakkunam̐ bairuvittam̐gā gādamu mŏlasinaṭṭu
sikkina karmamulĕllām̐ jĕlam̐gĕm̐ gāga
takkaga śhrīveṁkaḍeśhudāsya mĕkkuḍainaṭṭu
yĕkkaḍā mokṣhobāya mim̐kam̐ jĕppa nunnadā