(॥పల్లవి॥)
అన్నిటాఁ గలికివైతే నౌదువు గాని
యెన్నరా దాతని ప్రియమియ్యకొనవే
(॥అన్ని॥)
వసముగాని పతితో వాసులేల నెరపేవే
కసుగాటు వలపుల కాయవు నీవు
రసములు చిందీనదె రమణుఁడు మాటలనే
విసువక ఆదరించి వినఁగదవే
(॥అన్ని॥)
మేటియైన విభునితో మేకులు చూపకువే
తేట వయసుల పూవుఁదీగెవు నీవు
మాటులేని మందు నూరీ మగఁడు నవ్వులనే
చాటుకుఁ బోకందుకొని సమ్మతించవే
(॥అన్ని॥)
శ్రీ వేంకటేశ్వరునితో సిగ్గులు వడకువే
దేవరవంటి పట్టపుదేవివి నీవు
చేవదేర మన్నించి చేఁతల నిన్నీతఁడు
పూవువలె నిట్లనే భోగించవే
(||pallavi||)
anniḍām̐ galigivaide nauduvu gāni
yĕnnarā dādani priyamiyyagŏnave
(||anni||)
vasamugāni padido vāsulela nĕrabeve
kasugāḍu valabula kāyavu nīvu
rasamulu siṁdīnadĕ ramaṇum̐ḍu māḍalane
visuvaga ādariṁchi vinam̐gadave
(||anni||)
meḍiyaina vibhunido megulu sūbaguve
teḍa vayasula pūvum̐dīgĕvu nīvu
māḍuleni maṁdu nūrī magam̐ḍu navvulane
sāḍugum̐ bogaṁdugŏni sammadiṁchave
(||anni||)
śhrī veṁkaḍeśhvarunido siggulu vaḍaguve
devaravaṁṭi paṭṭabudevivi nīvu
sevadera manniṁchi sem̐tala ninnīdam̐ḍu
pūvuvalĕ niṭlane bhogiṁchave