(॥పల్లవి॥)
అన్నిటా నేర్పరులైతి రౌనయ్యా
పన్ని పానుపుమీఁదటఁ బవళించరయ్యా
(॥ఆఁట॥)
పెనఁగఁగఁ బెనఁగఁగఁ బెంజెమటలు గారీని
మనసు లొక్కటులాయ మానరయ్యా
వనితకు నీకును వలపులు సరిదాఁకె
ననుపు లొనగూడెను నవ్వరయ్యా
(॥ఆఁట॥)
తగులఁగఁ దగులఁగ తమకములు రేఁగెను
తగు నిద్దరికి సిగ్గు దాఁచుకోరయ్యా
మొగముల నీకు నీకు ముంచె నివె కళలెల్లా
తగవాయ వేడుకలఁ దనివందరయ్యా
(॥ఆఁట॥)
కూడఁగఁ గూడఁగ కూరిములు నిండుకొనె
జోడాయ మీతనువులు చొక్కరయ్యా
తోడనె శ్రీ వేంకటేశ దొరసె మీరతులెల్లా
పాడితో నేకాలమునుఁ బాయకుండరయ్యా
(||pallavi||)
anniḍā nerbarulaidi raunayyā
panni pānubumīm̐daḍam̐ bavaḽiṁcharayyā
(||ām̐ṭa||)
pĕnam̐gam̐gam̐ bĕnam̐gam̐gam̐ bĕṁjĕmaḍalu gārīni
manasu lŏkkaḍulāya mānarayyā
vanidagu nīgunu valabulu saridām̐kĕ
nanubu lŏnagūḍĕnu navvarayyā
(||ām̐ṭa||)
tagulam̐gam̐ dagulam̐ga tamagamulu rem̐gĕnu
tagu niddarigi siggu dām̐sugorayyā
mŏgamula nīgu nīgu muṁchĕ nivĕ kaḽalĕllā
tagavāya veḍugalam̐ danivaṁdarayyā
(||ām̐ṭa||)
kūḍam̐gam̐ gūḍam̐ga kūrimulu niṁḍugŏnĕ
joḍāya mīdanuvulu sŏkkarayyā
toḍanĕ śhrī veṁkaḍeśha dŏrasĕ mīradulĕllā
pāḍido negālamunum̐ bāyaguṁḍarayyā