అన్నిటా నేఁ దనిసితి అందరును మెచ్చిరి
(॥పల్లవి॥)
అన్నిటా నేఁ దనిసితి అందరును మెచ్చిరి
మన్ననలు తుదకెక్కె మాట లింకేలయ్యా
(॥అన్ని॥)
యెప్పుడు వత్తువో యని యెదురు చూచినందుకు
చొప్పుతో నీ వున్నందుకు జోకలాయను
రెప్పలెత్తి చూచితేనె రేసువడె నామనసు
కప్పిన వేడుకలకు కడమలేదయ్యా
(॥అన్ని॥)
బత్తిగలవని నేను భామలతో నన్నందుకు
తత్తరపు నీ చేఁతకు తగవాయను
మెత్తనైతి నీయడకు మేలములు నమరెను
యెత్తి నీతో నున్న సుద్దు లేలచెప్పేనయ్యా
(॥అన్ని॥)
పొదిగి నే నీతోను పొందులు సేసినందుకు
యిదె నీవు గూడినందు కితవాయను
యెదిగి శ్రీవెంకటేశ యిరవైతిఁ దరవైతి
కదిసి నీరతులకుఁ గడమయేదయ్యా
(||pallavi||)
anniḍā nem̐ danisidi aṁdarunu mĕchchiri
mannanalu tudagĕkkĕ māḍa liṁkelayyā
(||anni||)
yĕppuḍu vattuvo yani yĕduru sūsinaṁdugu
sŏppudo nī vunnaṁdugu jogalāyanu
rĕppalĕtti sūsidenĕ resuvaḍĕ nāmanasu
kappina veḍugalagu kaḍamaledayyā
(||anni||)
battigalavani nenu bhāmalado nannaṁdugu
tattarabu nī sem̐tagu tagavāyanu
mĕttanaidi nīyaḍagu melamulu namarĕnu
yĕtti nīdo nunna suddu lelasĕppenayyā
(||anni||)
pŏdigi ne nīdonu pŏṁdulu sesinaṁdugu
yidĕ nīvu gūḍinaṁdu kidavāyanu
yĕdigi śhrīvĕṁkaḍeśha yiravaidim̐ daravaidi
kadisi nīradulagum̐ gaḍamayedayyā