అన్నిటా నీ వంతర్యామివి అవుట ధర్మమే అయినాను
(॥పల్లవి॥)
అన్నిటా నీ వంతర్యామివి అవుట ధర్మమే అయినాను
యెన్నఁగ నీవొక్కఁడవే గతియని యెంచి కొలుచుటే ప్రపన్న-సంగతి
(॥అన్ని॥)
యేకాంతంబున నుండినపతిని యెనసిరమించుటే సతిధర్మంబు
లోకమురచ్చలోనుండినపతి లోఁగొని పైకొని రానట్లు
యీ కొలఁదులనే సర్వదేవతలయిన్ని రూపులై నీ వున్నప్పుడు
కై కొని నిను బహుముఖములఁగొలుచుట గాదు పతివ్రత వ్రత ధర్మంబు
(॥అన్ని॥)
పూనిన బ్రాహ్మణుల లోపలనే నినుఁ బూజించుట వేదోక్తధర్మము
శ్వానకుక్కుటాదులోపల నిను సరిఁ బూజించఁగరానట్లు,
యీనియమములనె ప్రాకృతజనులను యీశ్వర నీశరణాగత జనులను
కానక, వొక్కట సరిగాఁజూచుట కాదఁ వివేకధర్మంబు
(॥అన్ని॥)
శ్రీ వేంకటపతిగురువనుమతినే నేవే నాకును శిష్యధర్మము
ఆవలనీవల నితరమార్గములు యాత్మలోన రుచిగానట్లు
భావింపఁగ సకలప్రపంచమును బ్రహ్మం సత్యజ్ఞానమనంతము
కైవశమై యిన్నిటా వెనుతగులు కాదవివేకధర్మంబు
(||pallavi||)
anniḍā nī vaṁtaryāmivi avuḍa dharmame ayinānu
yĕnnam̐ga nīvŏkkam̐ḍave gadiyani yĕṁchi kŏlusuḍe prabanna-saṁgadi
(||anni||)
yegāṁtaṁbuna nuṁḍinabadini yĕnasiramiṁchuḍe sadidharmaṁbu
logamurachchalonuṁḍinabadi lom̐gŏni paigŏni rānaṭlu
yī kŏlam̐dulane sarvadevadalayinni rūbulai nī vunnappuḍu
kai kŏni ninu bahumukhamulam̐gŏlusuḍa gādu padivrada vrada dharmaṁbu
(||anni||)
pūnina brāhmaṇula lobalane ninum̐ būjiṁchuḍa vedoktadharmamu
śhvānagukkuḍādulobala ninu sarim̐ būjiṁcham̐garānaṭlu,
yīniyamamulanĕ prākṛtajanulanu yīśhvara nīśharaṇāgada janulanu
kānaga, vŏkkaḍa sarigām̐jūsuḍa kādam̐ vivegadharmaṁbu
(||anni||)
śhrī veṁkaḍabadiguruvanumadine neve nāgunu śhiṣhyadharmamu
āvalanīvala nidaramārgamulu yātmalona rusigānaṭlu
bhāviṁpam̐ga sagalaprabaṁchamunu brahmaṁ satyajñānamanaṁtamu
kaivaśhamai yinniḍā vĕnudagulu kādavivegadharmaṁbu