(॥పల్లవి॥)
అన్నిటా నీ పెంపు వింత హనుమంత నీ-
వున్న చోటు నిశ్చింత మో హనుమంతా
(॥అన్ని॥)
రాముని సేనలఁగాచి రావణు గర్వమడఁచి
ఆముకొన్న బలవంత హనుమంతా
గోమున జలధి దాఁటి కొండతో సంజీవి దెచ్చి
ధీమంతుడఁవైతివింత దివ్య హనుమంత
(॥అన్ని॥)
చుక్కలు మొలపూసలై సూర్యమండలము మోఁచె
అక్కజపు నీ రూపంత హనుమంత
చొక్కమై మీరుండఁగాను సుగ్రీవాదులకెల్లా
అక్కర లేదించుకంతా హనుమంతా
(॥అన్ని॥)
జంగచాఁచి చేయెత్తి సరిఁ బిడికిలించుక
అంగము నిక్కించితెంత హనుమంత
రంగగు శ్రీవేంకటాద్రి రాముని దేవి కిచ్చితి-
వంగులియ్యక మొక్కంత హనుమంతా
(||pallavi||)
anniḍā nī pĕṁpu viṁta hanumaṁta nī-
vunna soḍu niśhchiṁta mo hanumaṁtā
(||anni||)
rāmuni senalam̐gāsi rāvaṇu garvamaḍam̐si
āmugŏnna balavaṁta hanumaṁtā
gomuna jaladhi dām̐ṭi kŏṁḍado saṁjīvi dĕchchi
dhīmaṁtuḍam̐vaidiviṁta divya hanumaṁta
(||anni||)
sukkalu mŏlabūsalai sūryamaṁḍalamu mom̐sĕ
akkajabu nī rūbaṁta hanumaṁta
sŏkkamai mīruṁḍam̐gānu sugrīvādulagĕllā
akkara lediṁchugaṁtā hanumaṁtā
(||anni||)
jaṁgasām̐si seyĕtti sarim̐ biḍigiliṁchuga
aṁgamu nikkiṁchidĕṁta hanumaṁta
raṁgagu śhrīveṁkaḍādri rāmuni devi kichchidi-
vaṁguliyyaga mŏkkaṁta hanumaṁtā