అన్నిటా నా పాలిటికి హరి యాతఁడే కలఁడు
(॥పల్లవి॥)
అన్నిటా నా పాలిటికి హరి యాతఁడే కలఁడు
యెన్నికగాఁ దుదిపద మెక్కితిమి మేలు
(॥అన్ని॥)
కొందరు జీవులు నన్నుఁ గోపగించినా మేలు
చెంది కొందరట్టె సంతసించినా మేలు
నిందించి కొందరు నన్ను నేఁడే రోసినా మేలు
పొందుగ కొందరు నన్నుఁ బొగడినా మేలు
(॥అన్ని॥)
కోరి నన్నుఁ బెద్దసేసి కొందరు మొక్కినా మేలు
వేరే హీనుఁడని భావించినా మేలు
కూరిమిఁ గొందరు నన్నుఁ గూడుకుండినా మేలు
మేరతో విడిచి నన్ను మెచ్చకున్నా మేలు
(॥అన్ని॥)
యిప్పటికిఁ గల పాటి యెంత పేదయినా మేలు
వుప్పతిల్లు సంపద నాకుండినా మేలు
యెప్పుడు శ్రీవేంకటేశు కే నిచ్చిన జన్మమిది
తప్పు లే దాతనితోడి తగులమే మేలు
(||pallavi||)
anniḍā nā pāliḍigi hari yādam̐ḍe kalam̐ḍu
yĕnnigagām̐ dudibada mĕkkidimi melu
(||anni||)
kŏṁdaru jīvulu nannum̐ gobagiṁchinā melu
sĕṁdi kŏṁdaraṭṭĕ saṁtasiṁchinā melu
niṁdiṁchi kŏṁdaru nannu nem̐ḍe rosinā melu
pŏṁduga kŏṁdaru nannum̐ bŏgaḍinā melu
(||anni||)
kori nannum̐ bĕddasesi kŏṁdaru mŏkkinā melu
vere hīnum̐ḍani bhāviṁchinā melu
kūrimim̐ gŏṁdaru nannum̐ gūḍuguṁḍinā melu
merado viḍisi nannu mĕchchagunnā melu
(||anni||)
yippaḍigim̐ gala pāḍi yĕṁta pedayinā melu
vuppadillu saṁpada nāguṁḍinā melu
yĕppuḍu śhrīveṁkaḍeśhu ke nichchina janmamidi
tappu le dādanidoḍi tagulame melu