అన్నిటా జాణవు నీకు నమరు నీ జవరాలు
(॥పల్లవి॥)
అన్నిటా జాణవు నీకు నమరు నీ జవరాలు
కన్నుల పండుగగాను కంటిమి నేఁ డిపుడు
(॥అన్ని॥)
సేయని సింగారము చెలియ చక్కఁదనము
మోయనిమోపు గట్టిముద్దుఁ జన్నులు
పూయకపూసిన పూఁత పుత్తడి మేనివాసన
పాయనిచుట్టరికము పైకొన్న చెలిమి
(॥అన్ని॥)
గాదెఁ బోసినమణులు కనుచూపు తేటలు
వీదివేసిన వెన్నెల వేడుకనవ్వు
పోదితో విత్తినపైరు పొదిలిన జవ్వనము
పాదుకొన్న మచ్చికలు పరగువలపులు
(॥అన్ని॥)
పుట్టగాఁ బుట్టన మేలు పోగపు సమేళము
పెట్టెఁ బెట్టన సొమ్ములు పెనురతులు
యిట్టె శ్రీవేంకటేశ యీ యలమేలుమంగను
నెట్టనఁ గూడితి వీకె నిండిన నిధానము
(||pallavi||)
anniḍā jāṇavu nīgu namaru nī javarālu
kannula paṁḍugagānu kaṁṭimi nem̐ ḍibuḍu
(||anni||)
seyani siṁgāramu sĕliya sakkam̐danamu
moyanimobu gaṭṭimuddum̐ jannulu
pūyagabūsina pūm̐ta puttaḍi menivāsana
pāyanisuṭṭarigamu paigŏnna sĕlimi
(||anni||)
gādĕm̐ bosinamaṇulu kanusūbu teḍalu
vīdivesina vĕnnĕla veḍuganavvu
podido vittinabairu pŏdilina javvanamu
pādugŏnna machchigalu paraguvalabulu
(||anni||)
puṭṭagām̐ buṭṭana melu pogabu sameḽamu
pĕṭṭĕm̐ bĕṭṭana sŏmmulu pĕnuradulu
yiṭṭĕ śhrīveṁkaḍeśha yī yalamelumaṁganu
nĕṭṭanam̐ gūḍidi vīgĕ niṁḍina nidhānamu