అన్ని సింగారాలకుఁ దా నమరినాఁడు
(॥పల్లవి॥)
అన్ని సింగారాలకుఁ దా నమరినాఁడు
వన్నెలఁ బొ ద్దొకచాయవాఁ డాయ నితఁడూ
(॥అన్ని॥)
జలజాక్షుఁ డటుగాన జలకమాడేటివేళ
జలజాకరమువలె సరి నున్నాఁడు
చలివాసి సిగ్గులతో జవ్వనులు గొలువఁగ
నిలుచున్నాఁ డదివో నిచ్చలాన నీతఁడు
(॥అన్ని॥)
ఘనశంఖపాణి గాన కప్పురకాపువేళ
తనమేను నిధానమై తగి యున్నాఁడు
మనసిజగరిడిలో మఱి సాము సేసి వచ్చి
అనుఁగుఁ బుప్పొడిఁ దోఁగి యట్టే వున్నా డీతఁడూ
(॥అన్ని॥)
నీలవర్ణు డటు గాన నించినపుళుగువేళ
తాలిచేందుకు భరణి తానై వున్నాఁడు
ఆలరి శ్రీవేంకటేశుఁ డలమేలుమంగమెడ
తాళిగాఁ గట్టుక లోలో దక్కియున్నాఁ డీతఁడూ
(||pallavi||)
anni siṁgārālagum̐ dā namarinām̐ḍu
vannĕlam̐ bŏ ddŏgasāyavām̐ ḍāya nidam̐ḍū
(||anni||)
jalajākṣhum̐ ḍaḍugāna jalagamāḍeḍiveḽa
jalajāgaramuvalĕ sari nunnām̐ḍu
salivāsi siggulado javvanulu gŏluvam̐ga
nilusunnām̐ ḍadivo nichchalāna nīdam̐ḍu
(||anni||)
ghanaśhaṁkhabāṇi gāna kappuragābuveḽa
tanamenu nidhānamai tagi yunnām̐ḍu
manasijagariḍilo maṟi sāmu sesi vachchi
anum̐gum̐ buppŏḍim̐ dom̐gi yaṭṭe vunnā ḍīdam̐ḍū
(||anni||)
nīlavarṇu ḍaḍu gāna niṁchinabuḽuguveḽa
tāliseṁdugu bharaṇi tānai vunnām̐ḍu
ālari śhrīveṁkaḍeśhum̐ ḍalamelumaṁgamĕḍa
tāḽigām̐ gaṭṭuga lolo dakkiyunnām̐ ḍīdam̐ḍū