అని బ్రహ్మాదులెంచేరు హరి బాలలీలలు
(॥పల్లవి॥)
అని బ్రహ్మాదులెంచేరు హరి బాలలీలలు
వెనక శుకాదులచే వింటిమి నేమిదివో
(॥అని॥)
పొత్తులలోఁ బవ్వళించె పురుషోత్తముఁడు దొల్లి
హత్తి మఱ్ఱాకుపైఁ బండినటువలెనె
వొత్తగిలి బోరగిలి వుండఁజొచ్చెఁ గృష్ణుఁడు
తత్తరానఁ గూర్మావతారమైన గతిని
(॥అని॥)
తప్పుటడుగులు వెట్టె తగఁ ద్రివిక్రముఁడై
గొప్పపాదాలను భూమి గొలచినట్టు
అప్పుడే కొదలు మాఁటలాడఁజొచ్చెఁ గృష్ణుఁడు
తప్ప నసుర సతులఁ దగఁ బోధించినట్లు
(॥అని॥)
అచ్చపు రేపల్లెలోన నాడఁజొచ్చెఁ గృష్ణుఁడు
మెచ్చుల వైకుంఠాన మెరసినట్లు
నిచ్చలు శ్రీవేంకటాద్రినిలయుఁడై యున్నవాఁడు
అచ్చుగ జీవులలోన నాతుమైనయట్లు
(||pallavi||)
ani brahmādulĕṁcheru hari bālalīlalu
vĕnaga śhugādulase viṁṭimi nemidivo
(||ani||)
pŏttulalom̐ bavvaḽiṁchĕ puruṣhottamum̐ḍu dŏlli
hatti maṭrāgubaim̐ baṁḍinaḍuvalĕnĕ
vŏttagili boragili vuṁḍam̐jŏchchĕm̐ gṛṣhṇum̐ḍu
tattarānam̐ gūrmāvadāramaina gadini
(||ani||)
tappuḍaḍugulu vĕṭṭĕ tagam̐ drivikramum̐ḍai
gŏppabādālanu bhūmi gŏlasinaṭṭu
appuḍe kŏdalu mām̐ṭalāḍam̐jŏchchĕm̐ gṛṣhṇum̐ḍu
tappa nasura sadulam̐ dagam̐ bodhiṁchinaṭlu
(||ani||)
achchabu reballĕlona nāḍam̐jŏchchĕm̐ gṛṣhṇum̐ḍu
mĕchchula vaiguṁṭhāna mĕrasinaṭlu
nichchalu śhrīveṁkaḍādrinilayum̐ḍai yunnavām̐ḍu
achchuga jīvulalona nādumainayaṭlu