(॥పల్లవి॥)
అనాది జగములు అనాది దేవుఁడు
వినోదములు గని విసుకదు మాయ
(॥అనాది॥)
పుట్టేటి జీవులు పోయిన జీవులు
వొట్టిన జీవులు వున్నారు
చుట్టేరు దినములు సూర్యచంద్రాదులు
తెట్ట దెరువుననె తెగడు కాలము
(॥అనాది॥)
కలఁడు బ్రహ్మయును కల రింద్రాదులు
కల వనేకములు కార్యములు
ఫలబోగంబులు పై పై నున్నవి
కలియుఁ గర్మముఁ గడవఁగ లేదూ
(॥అనాది॥)
శ్రీ వేంకటేశుఁడు చిత్తములో వీఁడె
భావములోపల భక్తి యిదే
భావించి బ్రదుకుట ప్రపన్నులు వీరిదె
యేవలఁ జూచిన యిహమే పరము
(||pallavi||)
anādi jagamulu anādi devum̐ḍu
vinodamulu gani visugadu māya
(||anādi||)
puṭṭeḍi jīvulu poyina jīvulu
vŏṭṭina jīvulu vunnāru
suṭṭeru dinamulu sūryasaṁdrādulu
tĕṭṭa dĕruvunanĕ tĕgaḍu kālamu
(||anādi||)
kalam̐ḍu brahmayunu kala riṁdrādulu
kala vanegamulu kāryamulu
phalabogaṁbulu pai pai nunnavi
kaliyum̐ garmamum̐ gaḍavam̐ga ledū
(||anādi||)
śhrī veṁkaḍeśhum̐ḍu sittamulo vīm̐ḍĕ
bhāvamulobala bhakti yide
bhāviṁchi braduguḍa prabannulu vīridĕ
yevalam̐ jūsina yihame paramu